चोपडा । लग्नाचं आमिष दाखवत अल्पवयीन मुलीवर वारंवार अत्याचार केल्याचा प्रकार समोर आला आहे. धक्कादायक बाब म्हणजे या अत्याचारातून पीडित मुलगी गरोदर राहिली. याप्रकरणी पीडीतेच्या फिर्यादीवरून गुन्हा दाखल करण्यात आला
मार्च 2023 मध्ये पीडीत मुलगी ही एका कॉलेजमध्ये इयत्ता 11 वी मध्ये शिक्षण घेत असतांना तिची ओळख संशयित शिवम पाटील सोबत झाली. यानंतर दोघांचे प्रेमात रुपांतर झाले. पीडीत मुलीला लग्नाचे आमिष दाखवून तरुणाने मित्राच्या घरी नेत त्या ठिकाणी पीडीतेची इच्छा नसतांना तिच्यासोबत वेळोवेळी शारीरीक संबंध ठेवल्याने पीडीता गर्भवती राहिली.
सन 2023 मधील मार्च महिना ते सप्टेंबर 2023 दरम्यान पीडीतेवर अत्याचार करण्यात आल्याचे पीडीतेने सिडको पोलीस स्टेशन (छत्रपती संभाजीनगर) येथे दिलेल्या फिर्यादीत नमूद केले आहे. ही तक्रार चोपडा पोलिसांकडे अधिक तपासार्थ वर्ग करण्यात आली. तपास चोपडा शहरचे सहाय्यक निरीक्षक सहाय्यक निरीक्षक संतोष चव्हाण हे करीत आहेत.
