जळगाव । दिवाळीचा सण सुरू होताच सराफा बाजारातून ग्राहकांना मोठा धक्का देणारी बातमी समोर आली आहे. वसुबारसच्या पहिल्याच दिवशी सोने आणि चांदीच्या दरात मोठी उसळी पाहायला मिळाली आहे. गेल्या अवघ्या २४ तासांत सोन्याच्या दरात प्रति १० ग्रॅम तब्बल ७ हजार रुपयांची, तर चांदीच्या दरात प्रति किलो १५ हजार रुपयांची वाढ झाली आहे. ऐन सणासुदीच्या काळात झालेल्या या दरवाढीमुळे सोने-चांदी खरेदीचे नियोजन करणाऱ्या ग्राहकांचे बजेट कोलमडण्याची शक्यता आहे.
मिळालेल्या माहितीनुसार, आज २४ कॅरेट सोन्याचा दर जीएसटीशिवाय प्रति १० ग्रॅम १ लाख ४५ हजार रुपयांवर पोहोचला आहे. तर चांदीचा दर जीएसटीशिवाय प्रति किलो १ लाख ९५ हजार रुपयांवर गेला आहे. एकाच दिवसात झालेली ही मोठी वाढ सराफा बाजारात चर्चेचा विषय ठरली आहे.
सोन्याच्या दरात ७ हजारांची मोठी वाढ
दिवाळीच्या काळात सोने खरेदीला विशेष महत्त्व असते. वसुबारसपासून सुरू होणाऱ्या सणासुदीच्या काळात अनेक ग्राहक दागिने आणि सोन्याच्या वस्तू खरेदी करण्याला प्राधान्य देतात. मात्र, यंदा सणाच्या सुरुवातीलाच सोन्याच्या दराने मोठी झेप घेतल्याने ग्राहकांना खरेदीसाठी अधिक पैसे मोजावे लागणार आहेत.
गेल्या २४ तासांत सोन्याच्या दरात प्रति १० ग्रॅम ७ हजार रुपयांची वाढ झाली असून, २४ कॅरेट सोन्याचा भाव जीएसटीशिवाय १ लाख ४५ हजार रुपयांवर पोहोचला आहे. त्यामुळे दिवाळीच्या मुहूर्तावर सोने खरेदी करण्याचा विचार करणाऱ्या ग्राहकांना दरवाढीचा फटका बसणार आहे.
चांदीही १५ हजारांनी महागली
केवळ सोन्याचेच नव्हे, तर चांदीचे दरही मोठ्या प्रमाणात वाढले आहेत. चांदीच्या दरात गेल्या २४ तासांत प्रति किलो १५ हजार रुपयांची वाढ झाली आहे. त्यामुळे जीएसटीशिवाय चांदीचा भाव १ लाख ९५ हजार रुपये प्रति किलो झाला आहे.
दिवाळीच्या पार्श्वभूमीवर सोने-चांदीच्या खरेदीला मागणी असताना अचानक झालेल्या या दरवाढीमुळे ग्राहकांना मोठा आर्थिक फटका बसण्याची शक्यता आहे. सणासुदीच्या काळात सराफा बाजारातील दरवाढीमुळे ग्राहकांचे खरेदीचे गणित बदलले असून, आगामी दिवसांत सोन्या-चांदीचे भाव कोणती दिशा घेतात, याकडे सर्वांचे लक्ष लागले आहे.
Discussion about this post