सरकारी नोकरीच्या शोधात जर तुम्हीही असाल तर तुमच्यासाठी महत्वाची बातमी आहे. राष्ट्रीय केमिकल्स अँड फर्टिलायझर्स लिमिटेड (RCFL) मध्ये विविध पदांसाठी मोठी भरती जाहीर करण्यात आली आहे. या भरतीअंतर्गत मॅनेजमेंट ट्रेनी (MT) पदाच्या एकूण 94 जागा भरल्या जाणार आहेत. पात्र उमेदवारांकडून ऑनलाइन अर्ज मागविण्यात आले असून अर्ज करण्याची अंतिम मुदत 20 सप्टेंबर 2026 रोजी सायंकाळी 5 वाजेपर्यंत आहे.
94 पदांवर होणार भरती
या भरतीमध्ये मॅनेजमेंट ट्रेनी (MT) पदाच्या एकूण 94 जागा उपलब्ध आहेत. पात्र उमेदवारांना संपूर्ण भारतात नोकरीची संधी मिळणार आहे.
शैक्षणिक पात्रता काय?
उमेदवारांनी संबंधित शाखेत 60 टक्के गुणांसह B.E./B.Tech. पदवी प्राप्त केलेली असणे आवश्यक आहे. यामध्ये Chemical, Petrochemical, Mechanical, Instrumentation, Electrical, Computer Science, Computer Technology आणि Computer Engineering या शाखांचा समावेश आहे.
याशिवाय हिंदीसह इंग्रजी विषयातील पदव्युत्तर पदवी, CA/CMA किंवा विज्ञान, अभियांत्रिकी अथवा कृषी क्षेत्रातील पदवीसोबत MBA/MMS/PGDM अशी शैक्षणिक पात्रताही ग्राह्य आहे. SC/ST उमेदवारांसाठी किमान 55 टक्के गुणांची अट आहे.
वयोमर्यादा
उमेदवाराचे वय 1 फेब्रुवारी 2026 रोजी 27 वर्षांपेक्षा जास्त नसावे. SC/ST उमेदवारांना कमाल वयोमर्यादेत 5 वर्षांची, तर OBC उमेदवारांना 3 वर्षांची सवलत देण्यात आली आहे.
अर्ज शुल्क किती?
सर्वसाधारण, EWS आणि OBC प्रवर्गातील उमेदवारांसाठी 1,000 रुपये अर्ज शुल्क आहे. मात्र SC, ST, दिव्यांग (PWD), माजी सैनिक (ExSM) आणि महिला उमेदवारांना अर्ज शुल्कातून सूट देण्यात आली आहे.
अर्जाची अंतिम तारीख
RCFL भरतीसाठी पात्र उमेदवारांनी ऑनलाइन पद्धतीने अर्ज करायचा आहे. अर्ज करण्याची अंतिम मुदत 20 सप्टेंबर 2026 रोजी सायंकाळी 5 वाजेपर्यंत आहे. त्यामुळे इच्छुक उमेदवारांनी अंतिम मुदतीची वाट न पाहता लवकर अर्ज करण्याचे आवाहन करण्यात आले आहे.
Discussion about this post