तरुणांसाठी खुशखबर! रेल्वेमध्ये ६५५७ पदांसाठी मोठी मेगाभरती, आजपासून अर्जप्रक्रिया सुरु

रेल्वेत सरकारी नोकरी करण्याचे स्वप्न पाहणाऱ्यांसाठी आनंदाची बातमी आहे. रेल्वे भरती मंडळाने (आरआरबी) रेल्वे टेक्निशियन रिक्त जागा २०२६ साठी अधिकृत अधिसूचना प्रसिद्ध केली असून, दहावी आणि पदवीधर उमेदवारांसाठी ६,५५७ पदे खुली केली आहेत. आरआरबी टेक्निशियन ग्रेड-१ आणि टेक्निशियन ग्रेड-३ पदांसाठी अर्ज प्रक्रिया आज म्हणजेच ३० जूनपासून सुरू झाली आहे. इच्छुक आणि पात्र उमेदवार २९ जुलै २०२६ पर्यंत अर्ज करू शकतात.

पदांचा तपशील

या भरती मोहिमेअंतर्गत एकूण ६,५५७ उमेदवारांची निवड केली जाईल. टेक्निशियन ग्रेड-I पदांसाठी एकूण ३२३ जागा आणि टेक्निशियन ग्रेड-III पदांसाठी ६,२३४ जागा राखीव आहेत.

पात्रता निकष

टेक्निशियन ग्रेड-I पदांसाठी वयोमर्यादा १८ ते ३३ वर्षे आहे आणि टेक्निशियन ग्रेड-III पदांसाठी वयोमर्यादा १८ ते ३० वर्षे आहे.

राखीव प्रवर्गातील उमेदवारांसाठी वयोमर्यादेत सवलत देखील उपलब्ध आहे. अनुसूचित जाती (SC) आणि अनुसूचित जमाती (ST) उमेदवारांना ५ वर्षांची, तर इतर मागास प्रवर्गातील (OBC) उमेदवारांना ३ वर्षांची सवलत मिळेल.

अर्ज करण्यासाठी, उमेदवारांनी इयत्ता १० वी उत्तीर्ण केलेली असावी. तसेच, उमेदवारांकडे अभियांत्रिकीमधील पदवी असणे आवश्यक आहे.

महत्वाच्या तारखा :

नोंदणी सुरू होण्याची तारीख: ३० जून, २०२६

नोंदणीची अंतिम मुदत: २९ जुलै, २०२६

शुल्क भरण्याची अंतिम मुदत: ३१ जुलै, २०२६

अर्जातील दुरुस्तीची तारीख: १ ऑगस्ट ते १० ऑगस्ट, २०२६

परीक्षेचा नमुना

उमेदवारांची निवड लेखी परीक्षेच्या आधारे केली जाईल. परीक्षेत सामान्य ज्ञान, सामान्य बुद्धिमत्ता आणि तर्कशास्त्र, संगणक विज्ञान आणि गणित या विषयांमधून १०० बहुपर्यायी प्रश्न असतील, जे एकूण १०० गुणांचे असतील. प्रत्येक चुकीच्या उत्तरासाठी एक तृतीयांश गुणांचे नकारात्मक गुणदान देखील असेल.

किती पगार मिळेल:

टेक्निशियन ग्रेड-I पदांसाठी निवड झालेल्या उमेदवारांना ₹२९,२०० मासिक वेतन मिळेल, तर टेक्निशियन ग्रेड-III पदांसाठी निवड झालेल्या उमेदवारांना ₹१९,९०० मिळतील.