इराण-इस्रायल युद्धादरम्यान निर्माण झालेल्या जागतिक इंधन अनिश्चिततेच्या पार्श्वभूमीवर, एलपीजी सिलिंडर रिफिल करण्याच्या नियमांमध्ये बदल करण्यात आले आहेत. घरगुती एलपीजी सिलिंडर बुकिंगसाठी आता २१ दिवसांचा कालावधी लागू होईल.
७ मार्च रोजी सरकारने घरगुती गॅस सिलिंडर दरात ६० रुपयांची तर व्यावसायिक सिलिंडर दरात ११५ रुपयांची वाढ केल्यानं सर्वसामान्यांना मोठा झटका बसला आहे. यानंतर आता घरगुती ग्राहकांच्या प्रत्यक्ष गरजा पूर्ण करण्यासाठी आणि सर्व ग्राहकांना समान पुरवठा सुनिश्चित करण्यासाठी ही नवीन प्रणाली लागू करण्यात आली आहे.
ग्राहक शेवटच्या डिलिव्हरीनंतर फक्त २१ दिवसांनी पुढचा सिलिंडर बुक करू शकतील. परिस्थिती सामान्य होईपर्यंत २१ दिवसांचा हा बुकिंग नियम तात्पुरता लागू करण्यात आला आहे. अस्थिर जागतिक परिस्थितीच्या पार्श्वभूमीवर, घरगुती गॅस सिलिंडर पुरवठा प्रणाली १५ वरून २१ दिवस करण्यात आली आहे. याचा अर्थ आता सिलिंडर वितरणात २१ दिवसांचे अंतर असेल.
आतापर्यंत, पहिल्या सिलिंडरनंतर १५ दिवसांनी दुसरा सिलिंडर रिफिल करता येत होता. तथापि, बुकिंग प्रणालीत कोणताही बदल झालेला नाही. इंडियन ऑइल, भारत पेट्रोलियम आणि हिंदुस्तान पेट्रोलियमने नवीन प्रणालीला सामावून घेण्यासाठी गॅस एजन्सी सिस्टम (सॉफ्टवेअर) मध्ये बदल केले आहेत.
Discussion about this post