जळगाव । जळगाव महापालिकेच्या निवडणुकीत काहींना यश आले तर काहींना अपयश आले. मात्र शहरात अपक्ष उमेदवाराच्या पराभवाची चर्चा सध्या जोरात सुरू आहे. निवडणुकीत पराभव स्वीकारत संबंधित अपक्ष उमेदवारांनी वेगळाच मार्ग अवलंबत आभार रॅली काढली. या रॅलीच्या माध्यमातून त्यांनी मतदारांचे आभार मानत जनतेचे लक्ष वेधून घेतले.
जळगाव महापालिकेच्या प्रभाग क्रमांक ३ ब च्या उमेदवार चैताली राहुल ठाकरे यांचा काही फरकाने पराभव झाला. आज खेडी परिसरामध्ये त्यांनी पराभव झालेला असताना सुद्धा मतदारांचे आभार मानत यावेळी रॅली काढली आहे या रॅलीत मोठ्या प्रमाणात प्रभागातील नागरिकांनी हजेरी लावली.
तसेच आमदार मंगेश चव्हाण यांचा यावेळी निषेध व्यक्त करण्यात आला आहे. मतमोजणी केंद्रावर आमदार मंगेश चव्हाण यांनी दबाव तंत्राचा वापर करून या ठिकाणी फेर मतमोजणी करण्यास अधिकाऱ्यांना भाग पाडले असून यावेळी आम्हाला हा पराभव मान्य नाही अशा भावना यावेळी अपक्ष उमेदवार चैताली राहुल ठाकरे यांनी भावना व्यक्त केल्या. दरम्यान पराभवानंतरही या अनोख्या आभार रॅलीमुळे राजकीय वर्तुळात चर्चा रंगली असून, नागरिकांमध्येही कुतूहल निर्माण झाले आहे.
Discussion about this post