मुंबईसह राज्यातील २९ महानगरपालिकांसाठी १५ जानेवारी रोजी मतदान पार पडलं, त्यानंतर आज निवडणुकीचा निकाल जाहीर होत आहे. महापालिका निवडणुकीच्या निवडणुकींपैकी मुंबई महापालिकेच्या निवडणुकीची राज्यात चर्चा झाली. त्यामुळे मुंबई महापालिका निवडणुकीच्या निकालाकडे राज्याचं लक्ष लागलेलं आहे.
दरम्यान, मुंबई महानगरपालिका निवडणुकीच्या मतमोजणीत पहिला निकाल जाहीर झाला असून दादरमधील प्रभाग क्रमांक 183 मध्ये काँग्रेसने बाजी मारली आहे. या प्रभागातून काँग्रेसच्या आशा दीपक काळे यांनी प्रतिस्पर्ध्यांना मागे टाकत दणदणीत विजय मिळवला आहे. प्रभाग क्रमांक १८३ मधून आशा काळे यांनी १४५० मतांनी विजय मिळवला आहे. त्यांनी मनसेच्या पारुबाई कटके आणि शिवसेनेच्या वैशाली शेवाळे यांचा पराभव केला. तर राष्ट्रवादीच्या राजश्री खाडे यांनाही पराभवाचा सामना करावा लागला.
मतमोजणीची सुरुवातच जोरात होत असताना “पहिला निकाल कुणाचा लागणार?” याकडे सर्वांचं लक्ष होतं. मात्र हा पहिला धक्का भाजप किंवा ठाकरे गटाला नव्हे, तर काँग्रेसला बसला नाही—उलट काँग्रेससाठी हा निकाल मोठा बूस्टर ठरतोय.
आता उर्वरित प्रभागांचे निकाल कोणत्या दिशेने जातात, यावर मुंबई महापालिकेतील सत्तासमीकरण स्पष्ट होणार आहे.
Discussion about this post