जळगाव । जळगाव महानगरपालिकेच्या निवडणुकीसाठी आज गुरूवारी सकाळी ७.३० वाजेपासून मतदानास सुरुवात झाली. मात्र मतदानाच्या 8 तासात शहरात सरासरी केवळ ३४.२७ टक्के मतदान झाले आहे.
महापालिकेच्या एकूण ७५ जागांसाठी होणाऱ्या निवडणुकीत महायुतीच्या १२ उमेदवारांची बिनविरोध निवड आधीच निश्चित झाली आहे. उर्वरित ६३ जागांसाठी आज सकाळी ७.३० वाजेपासून मतदानास सुरुवात झाली. सुरुवातीच्या दोन तासात मतदानाचा टक्का कमी होता. मात्र यानंतर चार तासात दुपारी १:३० वाजेपर्यंत ९८,६४१ (२२.४९%) मतदान झाले होते. त्यानंतरच्या दोन तासांत मतदानाच्या टक्केवारीत साधारण ११.७८% वाढ झाली आहे.
दुपारी ३:३० वाजेपर्यंत शहरात एकूण ३४.२७% मतदान झाले आहे. मात्र अपेक्षेपेक्षा कमी मतदान झाल्याने मतदारांमध्ये कमालीचा निरुत्साह दिसून आला असून, याचा फटका राजकीय पक्षांना बसण्याची शक्यता वर्तवली जात आहे.
एकूण मतदान: १,५०,२९९ (३४.२७%)
पुरुष मतदार: ७९,७२७
महिला मतदार: ७०,५७२
Discussion about this post