जळगाव | लाचलुचपत प्रतिबंधक विभाग, जळगाव यांनी सन २०२५ मध्ये भ्रष्टाचाराविरोधात कडक पावले उचलत एकूण ४५ सापळा कारवाया केल्या असून, त्यामध्ये ७८ आरोपींवर भ्रष्टाचार प्रतिबंधक अधिनियमान्वये गुन्हे दाखल करण्यात आले आहेत. या कारवायांमुळे शासकीय यंत्रणांतील भ्रष्टाचाराला मोठा धक्का बसला आहे.
नोंदविण्यात आलेल्या गुन्ह्यांमध्ये वर्ग १ ते वर्ग ४ मधील शासकीय अधिकारी-कर्मचारी, तसेच खाजगी इसम यांचा समावेश आहे. एकूण आरोपींपैकी वर्ग १ चे ३, वर्ग २ चे ६, वर्ग ३ चे ३५, वर्ग ४ चे ४, तर १३ लोकसेवक व १७ खाजगी इसम आरोपी आहेत.
सन २०२५ मध्ये जळगांव घटकाकडून विविध विभांगावर कारवाई करण्यात आलेली असुन वर्षभरात महसुल विभागात ७ कारवाई मध्ये १३ आरोपी, जिल्हापरिषद विभागात ५ कारवाई मध्ये ६ आरोपी, पोलीस विभागात ५ कारवाई मध्ये ९ आरोपी, विज वितरण विभागात ५ कारवाई मध्ये ५ आरोपी, वन विभागात ३ कारवाई मध्ये ९ आरोपी, सरपंच ३ कारवाई मध्ये ९ आरोपी, शिक्षण विभाग ४ कारवाई मध्ये ७ आरोपी मनपा १ कारवाई मध्ये २ आरोपी, महाराष्ट्र प्रदुषण महामंडळ १ कारवाई मध्ये २ आरोपी, राज्य परिवहन महामंडळ १ कारवाई मध्ये १ आरोपी, भुमी अभिलेख १ कारवाई मध्ये १ आरोपी, सार्वजनिक आरोग्य विभाग १ कारवाई मध्ये १ आरोपी, महाराष्ट्र राज्य विज निर्मिती केंद्र १ कारवाई मध्ये १ आरोपी, राज्य उत्पादन शुल्क १ कारवाई मध्ये २ आरोपी, नगरपालीका २ कारवाई मध्ये ४ आरोपी, सार्वजनिक बांधकाम विभाग १ कारवाई मध्ये १ आरोपी इतर लोकसेवक २ कारवाई मध्ये ४ आरोपी व खाजगी इसम १ कारवाई मध्ये १ आरोपी अशा विविध विभागात कारवाई केली आहे. अशा प्रकारे एकुण ४५ सापळा कारवाई मध्ये ७७ आरोपी यांना अटक करण्यात आली आहे.
सन २०२४ च्या मध्ये ३७ गुन्हयांमध्ये ६१ आरोपीतांवर यशस्वी सापळा कारवाई करण्यात आली असुन सन २०२५ मध्ये ४५ गुन्हयामध्ये ७८ आरोपीतांवर कारवाई करण्यात आली आहे. सन २०२४ च्या तुलनेत सन २०२५ मध्ये अधिक ०८ ने वाढ झाली आहे.
Discussion about this post