जळगाव : जळगावच्या जामनेर येथील बेपत्ता असलेला २७ वर्षीय तरुण निलेश राजेंद्र कासार याचा मृतदेह रामदेववाडी परिसरातील जंगलातील तलावात पोत्यात बांधलेल्या अवस्थेत आढळून आला. या घटनेमुळे जळगाव जिल्ह्यात खळबळ उडाली आहे.
जुन्या किरकोळ वादातून दोन मित्रांनीच निलेशची हत्या केल्याची प्राथमिक माहिती पोलीस तापासात समोर आली आहे. १५ डिसेंबर रोजी रात्रीपासून निलेश बेपत्ता होता. त्याची दुचाकी जळगाव जवळील रामदेववाडी परिसरात आढळल्यानंतर एमआयडीसी पोलिसांनी तपास सुरू केला.
गोपनीय माहिती व तांत्रिक विश्लेषणाच्या आधारे पोलिसांनी गुजरातमधून दोन संशयितांना ताब्यात घेतले. चौकशीत त्यांनी निलेशचा खून करून मृतदेह पोत्यात भरून तलावात टाकल्याची कबुली दिली. संशयितांच्या माहितीनुसार पोलिसांनी शोधमोहीम राबवून मृतदेह ताब्यात घेतला. या प्रकरणी एमआयडीसी पोलिसात गुन्हा दाखल करण्याची प्रक्रिया सुरू होती.
Discussion about this post