सरकारी नोकरीच्या शोधात असणाऱ्यांसाठी खुशखबर आहे. रेल इंडिया टेक्निकल अँड इकोनॉमिक सर्व्हिसमध्ये भरती सुरु असून यासाठी पात्र उमेदवारांकडून अर्ज मागविण्यात आले आहे. सिनियर टेक्निकल असिस्टंट पदासाठी ही भरती जाहीर करण्यात आली आहे. या नोकरीसाठी अर्जप्रक्रिया सुरु झाली आहे.
रेल इंडिया टेक्निकल अँड इकोनॉमिक सर्व्हिसमधील नोकरीसाठी अर्ज करण्याची शेवटची तारीख ३० डिसेंबर २०२५ असणार आहे. एकूण १५० पदांसाठी भरती केली जाणार आहे. या नोकरीसाठी इच्छुकांनी अर्ज करावेत. अनुभव आणि फ्रेशर्ससाठी नोकरीची ही उत्तम संधी आहे.
राइट्समधील या नोकरीसाठी अर्ज करणाऱ्या उमेदवारांनी मेकॅनिकल फिल्डमध्ये डिग्री किंवा डिप्लोमा केलेला असावा. याचसोबत संबंधित क्षेत्रात कामाचा अनुभव असेल तर तुम्हाला प्राधान्य दिले जाईल. विविध पदांसाठी शैक्षणिक पात्रता ही वेगवेगळी असणार आहे.
राइट्समधील या नोकरीसाठी अर्ज करणाऱ्या उमेदवाराची कमाल वयोमर्यादा ४० असावी. या नोकरीसाठी राखीव प्रवर्गातील उमेदवारांना वयोमर्यादेत सूट दिली जाणार आहे. त्यामुळे इच्छुकांनी आधी अधिसूचना वाचावी. त्यानंतर अर्ज करावेत.
पगार
राइट्समधील नोकरीसाठी निवड झालेल्या उमेदवारांना दर महिन्याला १६,३३८ ते २९,७३५ रुपये पगार मिळणार आहे. याचसोबत एचआरए, ट्रॅव्हल भत्ता आणि मेडिकल सुविधादेखील मिळणार आहे. यामुळे तुम्हाला चांगला पगार मिळणार आहे.RITES मधील या नोकरीसाठी उमेदवारांची निवड परीक्षेद्वारे होणार आहे. या नोकरीसाठीची परीक्षा ११ जानेवारी २०२६ रोजी होणार आहे.यामध्ये तुम्हाला १२५ प्रश्न विचारले जाणार आहेत.यानंतर कागदपत्र पडताळणी केली जाणार आहे. यानंतर उमेदवारांची निवड केली जाणार आहे.
अर्ज कसा करावा?
सर्वात आधी rites.com वर जा.
यानंतर तुम्हाला Career सेक्शनवर जाऊन Vacancy मध्ये जा.
यानंतर तुम्हाला RITES Recruitment 2025 अधिसूचनेवर क्लिक करायचे आहे.
यानंतर अप्लाय ऑनलाइन यावर क्लिक करा.
यानंतर सर्व माहिती भरावी. याचसोबत कागदपत्रे अपलोड करा.ऑनलाइन शुल्क भरा.
Discussion about this post