जळगाव । रेल्वे गाड्यांमध्ये वाढती प्रवाशांची गर्दी लक्षात घेता पश्चिम रेल्वेने एक मोठे पाऊल उचलले आहे. प्रवाशांच्या सोयीसाठी आणि प्रवासाची मागणी पूर्ण करण्यासाठी, रेल्वेने सहा नवीन विशेष गाड्या सुरू करण्याची घोषणा केली आहे. यामध्ये जळगाव आणि भुसावळ मार्गे वलसाड – बिलासपूर-वलसाड स्पेशल ट्रेनचा समावेश आहे.
ट्रेन क्रमांक ०८२४४ वलसाड – बिलासपूर स्पेशल ही ट्रेन दर शुक्रवारी १६:५० वाजता वलसाडहून निघेल आणि दुसऱ्या दिवशी १३:५० वाजता बिलासपूरला पोहोचेल. ही ट्रेन १९ डिसेंबर २०२५ ते ९ जानेवारी २०२६ पर्यंत धावेल. त्याचप्रमाणे, ट्रेन क्रमांक ०८२४३ बिलासपूर – वलसाड स्पेशल बिलासपूरहून दर गुरुवारी १६:०० वाजता निघेल आणि दुसऱ्या दिवशी १३:५० वाजता वलसाडला पोहोचेल. ही ट्रेन १८ डिसेंबर २०२५ ते ८ जानेवारी २०२६ पर्यंत धावेल.
ही ट्रेन दोन्ही दिशांना भेस्तान, चलठाण, नंदुरबार, अमळनेर, जळगाव, भुसावळ, मलकापूर, अकोला, बडनेरा, वर्धा, नागपूर, गोंदिया, डोंगरगड, राज नांदगाव, दुर्ग, रायपूर आणि भाटापारा स्टेशनवर थांबेल.
या ट्रेनमध्ये एसी-२ टायर, एसी-३ टायर, स्लीपर क्लास आणि जनरल सेकंड क्लास कोच आहेत.
Discussion about this post