नंदूरबार | नंदूरबार सार्वजनिक बांधकाम विभागाचा भोंगळ कारभार पुन्हा एकदा समोर आला असून बांधकाम विभागाकडून नवीन रस्त्यांवर दिशादर्शक फलक लावण्यात आले आहेत. या दिशादर्शक फलकामध्ये नंदुरबार जिल्ह्यात जपान नावाचं गाव असल्याचा फलक लावण्यात आला आहे. हा पराक्रम जग वेगळं करणारा जगावेगळा असाच आहे.
साता समुद्रपार असलेलं जपान हे गाव नंदुरबार जिल्ह्यात कसं आलं? जपान आपल्या जिल्ह्यात आहे आणि आपल्याला माहीत कसे नाही? असा प्रश्न या लोकांना पडला आहे. त्यामुळे जपान हे गाव कुठे आहे याचा शोध ते घेत आहेत? येथील ग्रामस्थ बुचकळ्यात पडले आहे.
विशेष म्हणजे बांधकाम विभागाकडून ही चूक झाली आहे. नंदूरबार जिल्ह्यात ‘जपान’ हे गाव नसून ‘जमाना’ हे गाव आहे. मात्र बांधकाम विभागाच्या दुर्लक्षामुळे गावाचे नाव चुकवल्याचा प्रकार समोर आला आहे. त्यामुळे संबंधित बांधकाम विभागाने लवकर हा फलक दुरुस्ती करावा. नवीन फलक लावावा, अशी मागणी आता प्रवासी आणि नागरिकांकडून करण्यात येत आहे.
Discussion about this post