मुंबई । महायुतीत सध्या मोठे नाराजीनाट्य रंगले आहे. स्थानिक स्वराज्य संस्थांच्या निवडणुकीच्या पार्श्वभूमीवर भाजपमध्ये इन्कमिंग मोठ्या प्रमाणात वाढत आहे. भाजपकडून शिंदेसेनेच्या माजी नगरसेवकांना पक्षप्रवेश दिला जात असल्याने शिंदेंच्या मंत्र्यांनी नाराजी व्यक्त करत काल कॅबिनेट बैठकीवर बहिष्कार घातला होता. या घडामोडींच्या पार्श्वभूमीवर उपमुख्यमंत्री एकनाथ शिंदे बुधवारी तडकाफडकी दिल्लीला रवाना झाले.
बुधवारी पोलीस विभागाचा एक कार्यक्रम होता. त्याचे निमंत्रण एकनाथ शिंदेंना देण्यात आले होते मात्र पण शिंदे या कार्यक्रमाला अनुपस्थित राहतील, अशी माहिती शिंदे यांच्या नगरविकास विभागाकडून देण्यात आली. या कार्यक्रमाला मुख्यमंत्री देवेंद्र फडणवीस आणि उपमुख्यमंत्री अजित पवारांची उपस्थिती होती.
दरम्यान, एकनाथ शिंदे थेट दिल्लीला रवाना झाले असून यामुळे यामागचं कारण काय असेल, असा प्रश्न आता उपस्थित केला जात आहे. प्राथमिक माहितीनुसा शिंदे केंद्रीय गृहमंत्री तथा भाजपाचे वरिष्ठ नेते अमित शाहा यांची भेट घेणार आहेत. राज्यातील नेतृत्त्वाकडून युती धर्माचे पालन केले जात नाही, अशी तक्रार घेऊन शिंदे अमित शाहांकडे जाणार असल्याचे बोलले जात आहे. महायुतीतील युती धर्म या विषयावर शिंदे-शाहा यांच्यात चर्चा होईल, असेही सूत्रांनी सांगितेले आहे.
Discussion about this post