धुळे । धुळ्यामध्ये भाजप आमदार अनुप अग्रवाल यांच्या कारला भीषण अपघात झाला. आमदाराच्या भरधाव कारने दुचाकीला धडक दिल्याने झालेल्या अपघातात अपघातात दुचाकीस्वार गंभीर जखमी झाला असून त्याची प्रकृती चिंताजनक आहे.
मिळालेल्या माहितीनुसार, धुळे शहराचे भाजपाचे आमदार अनुप अग्रवाल हे शिरपूरकडे जात असताना मुंबई- आग्रा महामार्गावर हा अपघात झाला. रस्ता ओलांडणाऱ्या दुचाकीस्वाराला आमदार अनुप अग्रवाल यांच्या कारने धडक दिली. या धडकेत दुचाकीस्वार महामार्गावर फूटबॉलसारखा दूरवर फेकला गेला. अपघातामध्ये दुचाकीस्वार गंभीर जखमी झाला. आमदाराने स्वत:च्या वाहनांतून जखमी दुचाकीस्वाराला उपचारासाठी खासगी रुग्णालयात दाखल केले.
जखमी दुचाकीस्वार तरुणाची प्रकृती चिंताजनक असून त्याच्यावर उपचार सुरू आहेत.हा तरुण शेतातून घराच्या दिशेने येत होता. त्याचवेळी ही भयंकर अपघाताची घटना घडली. या अपघातामध्ये आमदाराची कार आणि दुचाकी या दोघांचे नुकसान झाले. अपघाताची माहिती मिळताच तरुणाच्या कुटुंबीयांनी रुग्णालयात धाव घेतली. तरुणाची अवस्था पाहून कुटुंबीय जोरजोरात रडू लागले. या घटनेमुळे धुळ्यात एकच खळबळ उडाली.
Discussion about this post