अमृतसर-सहरसा गरीब रथ एक्सप्रेसच्या तीन एसी बोगींना सरहिंद रेल्वे स्टेशनजवळ भीषण आग लागली. या दुर्घटनेनंतर रेल्वे प्रवाशांमध्ये भीतीचे वातावरण निर्माण झाले. काही प्रवासी सैरवैर धावू लागले. या दुर्घटनेत एक महिला गंभीर भाजली गेल्याचे वृत्त समोर आले आहे.तिला उपचारासाठी रुग्णालयात दाखल करण्यात आलं आहे.
अमृतसर–सहरसा गरीब रथ एक्सप्रेस ट्रेनला (नंबर – 12204) शनिवारी सकाळी सरहिंद रेल्वे स्टेशनजवळ आग लागली. ट्रेनने सरहिंद स्टेशन सोडून अर्ध्या किलोमीटर अंतरावर जाताच एका कोचमधून धुर येत असल्याच प्रवाशांनी पाहिलं. तात्काळ ट्रेन थांबवून रेल्वे कर्मचाऱ्यांनी मदत कार्य सुरु केलं.
माहिती मिळताच, पोलीस आणि रेल्वेची टीम घटनास्थळी पोहोचली, असं स्थानिक पोलीस अधिकाऱ्याने सांगितलं. प्रवाशांना सुरक्षितरित्या शिफ्ट करण्यात आलं. पोलिसांनी सांगितलं की, परिस्थिती आता नियंत्रणात असून सर्व प्रवासी सुरक्षित आहेत. एका महिला प्रवासी जखमी झाली आहे. तिला उपचारासाठी रुग्णालयात दाखल करण्यात आलं आहे.
Discussion about this post