यावल । यावल तालुक्यातील विरावली-दहिगाव रस्त्यावर एका तरुणाची हत्या करण्यात आल्याची धक्कादायक घटना समोर आलीय. विशेष म्हणजे, खून झाल्यानंतर अवघ्या काही तासांतच दोन संशयित आरोपी स्वतः मोटारसायकलवरून पोलीस ठाण्यात दाखल झाले आणि गुन्ह्याची कबुली दिली.
मयत तरुणाचे नाव इम्रान युनुस पटेल (वय २१ वर्ष असुन, राहणार सुरेश आबा नगर दहिगाव तालुका यावल ) असून हा खून झालेला तरूण मुळ हनुमंतखेडा तालुका धरणगाव येथील राहणारा असुन तो दहिगाव येथे आपल्या मामाच्या गावी राहात होता.
दरम्यान, हत्या करणारे दोघे संशयित आरोपी तरुणांची नावे ज्ञानेश्वर गजानन पाटील (वय १९) व गजानन रविद्र कोळी (वय १९) असून हे दोघे तरुण यावल पोलीस स्टेशनला दुचाकी द्वारे हजर झाले. पोलीस निरिक्षक रंगनाथ धारबळे घटनास्थळी पथकासह दाखल झाले. या प्रकरणी रात्री उशिरापर्यंत गुन्हा दाखल करण्याची कारवाई सुरु होती.
Discussion about this post