भारतीय रेल्वेत १०वी,१२वी उत्तीर्णांना मोठी संधी; २४१८ पदांसाठी भरती सुरु

सेंट्रल रेल्वेत भरती निघाली असून यासाठी पात्र उमेदवारांकडून अर्ज मागविले जात आहे. सेंट्रल रेल्वेत अप्रेंटिसशिप पदांसाठी ही भरती सुरु झाली आहे. या नोकरीसाठी अर्ज करण्याची शेवटची तारीख ११ सप्टेंबर २०२५ आहे.

या पदांसाठी १०वी आणि १२वी पास उमेदवार अर्ज करु शकतात. या भरतीद्वारे तब्बल २४१८ रिक्त जागा भरल्या जातील. या नोकरीसाठी तुम्ही www.rrccr.com या वेबसाइटवर जाऊन अर्ज करु शकतात. यासाठी ऑनलाइन अप्लाय करायचे आहे.

वयाची अट :
सेंट्रल रेल्वेतील अप्रेंटिसशिप पदासाठी १५ ते २४ वयोगटातील उमेदवार अर्ज करु शकतात. राखीव प्रवर्गातील उमेदवारांना वयोमर्यादेत सूट देण्यात आली आहे. त्यामुळे सरकारी विभागात नोकरी करण्याची ही उत्तम संधी आहे.

अप्रेंटिस पदासाठी निवड झाल्यानंतर तुम्हाला खूप काही शिकता येणार आहे. तुम्हाला रेल्वेतील अनेक कामांची माहिती मिळणार आहे. त्यामुळे भविष्यात तुम्हाला चांगल्या विभागात नोकरी करण्याची संधी मिळणार आहे.

शैक्षणिक पात्रता

या नोकरीसाठी अर्ज करणाऱ्या उमेदवारांनी कोणत्याही मान्यताप्राप्त बोर्डातून १०वी आणि १२वी पास असणे गरजेचे आहे. उमेदवारांना ५० टक्के गुण मिळालेले असावे. याचसोबत उमेदवारांकडे संबंधित ट्रेडमध्ये नॅशनल सर्टिफिकेट इसे गरजेचे आहे.

अर्ज कसा करावा?
सर्वात आधी तुम्हाला www.rrccr.com या वेबसाइटवर जायचे आहे.
यानंतर Online applications वर क्लिक करा.
यानंतर लॉग इन करा आणि तुमची माहिती भरा. याचसोबत कागदपत्रे भरा.
यानंतर फी भरा आणि फॉर्म सबमिट करा.
या फॉर्मची प्रिंट आउट काढून तुमच्याजवळ ठेवा.