बँकेत नोकरीची संधी! ४०० पदांसाठी सुरूय भरती, आजच अर्ज करा

बँकेत नोकरी करण्याची इच्छा असणाऱ्यांसाठी महत्त्वाची बातमी आहे. इंडियन ओव्हरसीज बँकेत भरती सुरु असून यासाठी पात्र उमेदवारांनी अजिबात वेळ वाया न घालवता अर्ज करावा. एकूण ४०० पदांसाठी ही भरती निघाली आहे. या नोकरीसाठी अर्जप्रक्रिया सुरु आहे,

इंडियन ओव्हरसीज बँकेतील या नोकरीसाठी अर्ज करण्याची शेवटची तारीख ३१ मे २०२५ आहे. इच्छुकांनी मुदतीपूर्वी लवकरात लवकर अर्ज करावेत.यासाठी तुम्ही ibpsonline.ibps.in/ioblboapr25/ या पोर्टलवर जाऊन अर्ज करु शकतात. या नोकरीसाठी तुम्ही ऑनलाइन पद्धतीने अर्ज करायचा आहे.

इंडियन ओव्हरसीज बँकेत लोकल बँक ऑफिसर पदांसाठी भरती जाहीर करण्यात आली आहे. या नोकरीसाठी इच्छुक उमेदवारांनी मान्यताप्राप्त विद्यापीठातून डिग्री प्राप्त केलेली असावी. या नोकरीसाठी २० ते ३० वयोगटातील उमेदवार अर्ज करु शकतात. राखीव प्रवर्गातील उमेदवारांना वयोमर्यादेत सूट देण्यात आली आहे.

इंडियन ओव्हरसीज बँकेत ४०० रिक्त पदांवर भरती करण्यात येणार आहे. विविध राज्यांमध्ये ही भरती होणार आहे.महाराष्ट्रात एकूण ४५ पदांसाठी ही भरती केली जाणार आहे.

अर्ज कसा करावा
या नोकरीसाठी अर्ज करण्यासाठी तुम्हाला ibpsonline.ibps.in/ioblboapr25/ या वेबसाइटवर जावे लागेल. त्यानंतर न्यू रजिस्ट्रेशन करावे लागेल. यानंतर माहिती भरा. त्यानंतर सही आणि फोटो अपलोड करा. यानंतर शुल्क जमा करुन फॉर्म सबमिट करा.