नाबार्डमध्ये तब्बल ३ लाख रुपये पगाराची संधी; पात्रता अन् अर्ज प्रक्रिया जाणून घ्या

नॅशनल बँक फॉर्म अॅग्रीकल्चर अँड रुरल डेव्हलपमेंट म्हणजेच नाबार्डमध्ये भरती निघाली असून यासाठी पात्र उमेदवारांकडून अर्ज मागविले जात आहे. स्पेशलिस्ट ऑफिसर या पदांसाठी ही भरती जाहीर करण्यात आली आहे. विशेष या भरतीसाठी अर्ज करण्याची प्रक्रिया सुरु करण्यात आली आहे.

ही भरती ६ रिक्त पदांवर होणार आहे. वेगवेगळ्या विभागात ही भरती होणार आहे. ही भरती कंत्राटी पद्धतीने होणार आहे. या नोकरीसाठीचे ठिकाण नाबार्डचे हेड ऑफिस मुंबई आहे. त्यामुळे तुम्ही मुंबईत राहत असाल तर ही तुमच्यासाठी उत्तम संधी आहे.

नाबार्डमधील स्पेशलिस्ट ऑफिसर पदासाठी अर्जप्रक्रिया १६ मे २०२५ पासून सुरु झाली आहे. या नोकरीसाठी अर्ज करण्याची शेवटची तारीख १ जून २०२५ आहे.इच्छुकांनी नाबार्डच्या वेबसाइटवर जाऊन अर्ज करायचा आहे. ()

In Charge–Survey Cell पदासाठी अर्ज करणाऱ्या उमेदवाराचे वय ३८ ते ५५ वयोगटातील असावे. सिनियर स्टॅटिस्टिकल अॅनालिस्ट पदासाठी ३० ते ४५ वयोगटातील उमेदवारांनी अर्ज करावेत. Statistical Analyst पदासाठी २४ ते ३० वयोगटातील उमेदवार अर्ज करु शकतात. या नोकरीसाठी अर्ज करणाऱ्या उमेदवाराने संबंधित क्षेत्रात मास्टर्स डिग्री प्राप्त केलेली असावी.

या नोकरीसाठी अर्ज करताना सामान्य प्रवर्गातील उमेदवारांना १५० ते ८५० रुपये फी भरावी लागणार आहे.राखीव प्रवर्गातील उमेदवारांना १५० रुपये फी भरावी लागणार आहे. या नोकरीसाठी उमेदवारांची निवड मुलाखतीद्वारे केली जाईल. या नोकरीबाबत अधिक माहिती तुम्हाला वेबसाइटवर मिळेल. अर्ज करण्यापूर्वी ही माहिती नक्की वाचा.

पगार :
या नोकरीसाठी निवड झाल्यावर In Charge–Survey Cell पदासाठी ३ लाख रुपये महिना पगार मिळणार आहे. Senior Statistical Analyst पदासाठी २ लाख रुपये पगार मिळणार आहे. Statistical Analyst पदासाठी १.२५ लाख रुपये पगार मिळणार आहे.