नवी दिल्ली । भारतीय लष्कराच्या ‘ऑपरेशन सिंदूर’ मध्ये नऊ दहशतवादी तळ उद्ध्वस्त झाल्याने संतप्त पाकिस्तान नियंत्रण रेषा आणि आंतरराष्ट्रीय सीमेपर्यंत चिथावणीखोर कारवाया करत आहे. पाकिस्तानने भारतीय सीमाभागातून हल्ला करण्याचा प्रयत्न केला. पाकिस्तानच्या या कृत्यानंतर भारताने पाकिस्तानला जशास तसं उत्तर दिलं आहे. इंडियन आर्मीने एक व्हिडीओ जारी केला आहे. यामध्ये भारतीय सैन्याने हवेतच ड्रोन कसा पाडला हे दाखवण्यात आलं आहे.
सोशल मीडियावर पोस्ट केला व्हिडीओ
दरम्यान भारतीय लष्कराने एक व्हिडिओ जारी केला आहे. या व्हिडीओमध्ये भारतीय सेनेने दहशतवाद्यांचा विध्वंस कसा केला हे दाखवलं आहे. आर्मीने हा व्हिडीओ पोस्ट करताना लिहिलंय की, “८ आणि ९ मे च्या रात्री पाकिस्तानी सैन्याने संपूर्ण पश्चिम सीमेवर ड्रोन आणि इतर शस्त्रसामग्रीचा वापर करून अनेक हल्ले केले. यासोबतच, जम्मू आणि काश्मीरमधील नियंत्रण रेषेवर (LoC) सतत युद्धबंदीचे उल्लंघन (CFVs) करण्यात आलं. यावेळी ड्रोन हल्ले प्रभावीपणे परतवून लावण्यात आले आणि सीएफव्हींना योग्य प्रत्युत्तर देण्यात आले”
OPERATION SINDOOR
Pakistan Armed Forces launched multiple attacks using drones and other munitions along entire Western Border on the intervening night of 08 and 09 May 2025. Pak troops also resorted to numerous cease fire violations (CFVs) along the Line of Control in Jammu and… pic.twitter.com/WTdg1ahIZp
— ADG PI – INDIAN ARMY (@adgpi) May 9, 2025
गुरुवारी रात्री भारताच्या ‘ऑपरेशन सिंदूर’मुळे जळफळाट झालेल्या पाकिस्तानी सैन्याने भारताच्या उत्तर आणि पश्चिम भागातील अनेक लष्करी तळांवर ड्रोन आणि क्षेपणास्त्र हल्ले करण्याचा प्रयत्न केला. त्यावेळी भारताने देखील हल्ला केला आहे. यावेळी भारताने एस-४०० हवाई संरक्षण प्रणालीच्या माध्यमातून हे हल्ले अयशस्वी केले.
Discussion about this post