खुशखबर! डाक विभागात १०वी उत्तीर्णांसाठी तब्बल २१०००+ पदांसाठी भरती सुरु

इंडिया पोस्टने ग्रामीण डाक सेवक (GDS) पदाच्या भरतीसाठी अधिसूचना प्रकाशित केली आहे. देशभरात ब्रांच पोस्टमास्टर (बीपीएम), असिस्टंट ब्रांच पोस्टमास्टर (एबीपीएम) आणि डाक सेवक यांच्या एकूण २१४१३ रिक्त जागा भरल्या जातील. दहावी उत्तीर्ण उमेदवार अधिकृत वेबसाइट indiapostgdsonline.gov.in वर सहजपणे ऑनलाइन अर्ज करू शकतात. अर्ज करण्याची शेवटची तारीख ०३ मार्च आहे. तथापि, अर्जातील दुरुस्ती ०६ ते ०८ मार्च दरम्यान केली जाईल.

उमेदवारांनी नोंद घ्यावी की रिक्त जागा आंध्र प्रदेश, आसाम, बिहार, छत्तीसगड, दिल्ली, गुजरात, हरियाणा, हिमाचल प्रदेश, जम्मू काश्मीर, झारखंड, कर्नाटक, केरळ, मध्य प्रदेश, महाराष्ट्र, ईशान्य, ओडिशा, पंजाब, तामिळनाडू, तेलंगणा, उत्तर प्रदेश, उत्तराखंड आणि पश्चिम बंगाल प्रदेशात भरल्या जातील. उत्तर प्रदेशात सर्वाधिक रिक्त पदे उपलब्ध आहेत, त्यानंतर तामिळनाडूचा क्रमांक लागतो.

भरतीसाठी पात्रता?
या भरतीसाठी अर्ज करणाऱ्या उमेदवारांनी मान्यताप्राप्त बोर्डातून १०वी उत्तीर्ण असणे आवश्यक आहे. तसेच, उमेदवार ज्या राज्यातील स्थानिक भाषेतून अर्ज करत आहेत त्या भाषेत प्रवीण असणे महत्त्वाचे आहे. या पदासाठी उमेदवाराची वयोमर्यादा १८ ते ४० वर्षे असावी.

अर्ज शुल्क किती असेल?
सर्व श्रेणींसाठी अर्ज शुल्क ₹१००/- आहे. महिला उमेदवार, अनुसूचित जाती/जमाती अर्जदार, अपंग अर्जदार आणि ट्रान्सवुमन अर्जदारांना शुल्क भरण्यापासून सूट आहे.