पारोळा । पारोळा तालुक्यातील दोन कार समोरासमोर धडकल्याने भीषण अपघात झाला. यात पती-पत्नी जागीच ठार तर अन्य तीन जण गंभीर जखमी झाले. सुधीर देविदास पाटील (वय ४५) व ज्योती सुधीर पाटील (वय ४०) असे मृतांची नावे आहेत.
मुळचे पारोळा तालुक्यातील लोणी येथील असलेले व सध्या सुरत येथे वास्तव्यास असलेले सुधीर पाटील हे सुरत येथे वास्तव्यास असलेले सुधीर पाटील हे तेथील मोठे िकरणा व्यापारी होते. तर त्याच्या पत्नी ज्योती ह्या मेहंदी आर्टीस्ट होत्या. चुलत भावाच्या मुलीचे बुधवारी ४ रोजी लग्न होते. तर सोमवारी मेहंदी व बुधवारी संगीत असे कार्यक्रम होते. रात्री मेहंदीचा कार्यक्रम असल्याने ते मेहंदीच्या कार्यक्रमासाठी येत होते. त्याच्या पश्चात एक मुलगा व एक मुलगी असा परिवार आहे.
तर ऑडी कारमधील नाशिक येथील प्रवासी हे जळगाव येथे मित्राच्या लग्नासाठी आले होते. नाशिककडे परतत असताना हा अपघात झाला. दरम्यान अपघातानंतर म्हसवे गाव लगत समांतर रस्त्याच्या मागणीसाठी ग्रामस्थांनी माजी सरपंच पंकज पाटील यांच्या नेतृत्वात आंदोलन केले. पत्नीसोबत आपल्या चुलत भावाच्या मुलीच्या लग्नासाठी सुरतहून पारोळा तालुक्यातील लोणी येथे होंडा सिटी कार क्र. जे.जे.०५ आर १२४७ ने येत होते. दुपारी साडेचार वाजेच्या सुमारास ते म्हसवे फाट्यावर वळण घेत असताना समोरून जळगावकडून भरधाव वेगाने येणाऱ्या ऑडी कार क्र. डीडी ०३ के ६९०६ ने त्यांच्या कारला धडक दिली. ही धडक इतकी जबर होती यात धडक बसलेल्या होडा सीटी कारचा संपूर्ण चक्काचूर झाला. तर धडक दिल्यानंतर ऑडी कार थेट रस्त्यात बाजूच्या शेतात जाऊन थांबली. अपघातानंतर जोरदार आवाज झाल्याने परिसरात काम करणारे शेतकरी व ग्रामस्थ तसेच येथून जाणाऱ्या वाहनचालकांनी घटनास्थळाकडे धाव घेत मदतकार्य केले. ग्रामस्थांनी मोठे प्रयत्न करत दोन्ही कारमधील जखमींना बाहेर काढत पारोळा कुटीर रुग्णालयात उपचारासाठी हलवले.
या अपघातात होंडासिटी कारमधील सुधीर पाटील व ज्योती पाटील यांचा मृत्यू झाला. तर ऑडी कारमधील नाशिक येथील शिरीष लठ्ठा (वय ४०), उमेश लाने (वय ४२ , चालक प्रवीण तागड, मिरज चांदे हे जखमी झाले. घटनेची महिती मिळताच लोणी, म्हसवे परिसरातील ग्रामस्थांनी गर्दी केली होती. दरम्यान अपघाताची वार्ता कळताच लग्न घरी शोककळा पसरली होती.
Discussion about this post