रावेर । रावेर वनक्षेत्रामधे वनविभागाने गावठी दारूच्या भट्टयांवर कारवाई करत दोन लाख १९ हजार ७२५ किमतीची चार हजार ५१४ लिटर दारू नष्ट केली. रावेर वनपरिक्षेत्र अधिकाऱ्यांना गंगापुरी धरण परिसरात अवैध दारुच्या भट्टया सुरू असल्याची माहिती मिळाली. तेथील पाच भट्टयांवर वन विभागाच्या अधिकाऱ्यांनी धाड टाकून दारु नष्ट केली.
त्यात लहान मोठे २१२ बॅरलमधील ४ हजार ५१४ लिटरची दारू नष्ट करण्यात आली त्याची किंमत दोन लाख १९ हजार ७२५ रुपये असल्याची नोंद केली. शिवाय एकदुचाकीही ताब्यात घेतली. याप्रकरणी गुन्हा नोंदवला असून या त्याचा तपास अहिरवाडी वनपाल करत आहे. ही कारवाई वनक्षेत्रपाल अजय बावणे, वनरक्षक सुपडू सपकाळे, जगदीश जगदाळे, सविता वाघ, आयेशा पिंजारी यांच्यासह अन्य कर्मचाऱ्यांनी केली.
Discussion about this post