मुंबई । राज्यात सध्या विधानसभा निवडणुकीच्या पार्श्वभूमीवर प्रचार सभांचा धडाका उडाला असून मात्र महायुतीसह महाविकास आघाडीने मुख्यमंत्रीपदाचा अधिकृत चेहरा जाहीर केलेला नाही. यामुळे दोन्ही आघाड्यांकडून कोणाच्या नावाची मुख्यमंत्रीपदासाठी निवड होते? याकडे सगळ्यांचे लक्ष लागले आहे. अशातच महायुतीचा मुख्यमंत्रीपदाचा चेहरा निवडणूकांआधीच ठरल्याचे संकेत केंद्रीय गृहमंत्री अमित शाहांनी जाहीर प्रचारसभेत दिले आहेत. मुख्यमंत्रिपदाची माळ देवेंद्र फडणवीसांच्या गळ्यात पडणार असलयाचे संकेत शाहांनी दिले असून यामुळे महायुतीतल्या मित्र पक्षांच्या नेत्यांची झोप उडण्याची शक्यता आहे.
काही दिवसांपुर्वी महायुती शिंदेंच्या नेतृत्त्वात निवडणूका लढेल असं खुद्द फडणवीसांनी म्हटलं होतं. त्यामुळे सत्ता आली की शिंदे मुख्यमंत्री होतील अशी शक्यता होती तर महायुतीचा तिसरा भिडू अजित पवारांनी आपली मुख्यमंत्री होण्याची महत्त्वाकांशा काही लपून राहिलेली नाही. त्यामुळेच अमित शाहांनी एक पाऊल पुढे टाकत मी राज्यभर फिरलो आणि महायुतीचं सरकार येणार असल्याचं म्हणत देवेंद्र फडणवीसांना विजयी करा असं म्हणत मुख्यमंत्रिपदाची माळ फडणवीसांच्या गळ्यात पडणार असल्याचे संकेत शाहांनी दिले आहेत.
देवेंद्र फडणवीसांना पसंती का?
नगरसेवक, आमदार म्हणून कामाचा अनुभव
2014 ते 1019 महाराष्ट्राचे मुख्यमंत्री
2022 शिंदेंच्या नेतृत्वात उपमुख्यमंत्री म्हणून काम
भाजपच्या पक्षश्रेष्ठींच्या आदेशाचं तंतोतंत पालन
संघांचीही देवेंद्र फडणवीसांच्या नावाला पसंती
प्रशासकीय अधिकाऱ्यांवर वचक
केंद्रातील सर्व नेत्यांसोबत घनिष्ठ संबंध
शिवसेना – भाजप युती तोडण्याचं कारण मुख्यंमत्री पद होतं हे सगळ्यांना माहित आहे. यावेळीही महायुतीनं मुख्यमंत्रिपदाचा उमेदवार जाहीर न केल्यामुळे संभ्रम निर्माण होण्याची शक्यता आहे. त्यामुळेच शाह भाजपच्या नेतृत्त्वात सरकार स्थापन करण्याचे संकेत देऊन मित्र पक्षांना मानसिक तयारी करण्याचा संदेश देत आहेत का? अशी चर्चा आता सुरू झालीय.
Discussion about this post