जळगाव । जळगाव शहरातील शिवाजीनगरात मेडिकल साहित्याने भरलेला ट्रक पेटविण्याची प्रयत्न करण्यात आला. यावेळी ट्रकमध्ये दोन बॉक्समध्ये कापूस फटाके सुतळी बॉम्ब आणि पेट्रोलने भरलेल्या प्लास्टिकच्या बाटल्या ठेवून त्याला एग्नेटर जोडून ठेवल्याचे आढळून आले. जेणेकरून रिमोटचे बटन दाबताच ट्रकने पेट घेवून खान यांना ट्रान्सपोर्टच्या व्यवसायात नुकसान व्हावा असे उद्देश होता.
परंतू हा प्रकार उघडकीला आल्यानंतर जयदीप मेडिसिन ट्रान्सपोर्टचे मालक सलीम बशीर खान यांनी तातडीने जळगाव शहर पोलीसांना माहिती दिली. त्यानंतर दोन्ही बॉक्स पोलीसांनी खाली केले.
शहरातील शिवाजी नगर रेल्वे उड्डाणपुलावरून जात असतांना एका ट्रकमधून धुर निघत आल्याचे सांगितले. त्यावेळी सलीम बशीर खान यांनी ट्रक थांबवून मागचा दरवाजा उघडला असता त्यात आग लागल्याचे दिसून आले. यावेळी परिसरातील नागरीकांनी धाव घेवून ही आग विझविण्यास मदत केली.
दरम्यान सलीम बशीर खान हे १२ वर्षापुर्वी शहरातील राणे ट्रान्सपोर्ट येथे नोकरीला होता. त्यानंतर सलीम खान यांनी राणे येथील काम सोडून आपला स्वत:चा जयदीप मेडीसीन ट्रान्सपोर्ट नावाने व्यवसाय सुरू केला होता. त्यामुळे राणे मेडीसीन ट्रान्सपोर्टचे संचालक धिरज जितेंद्र राणे याला व्यवसायात तोटा होत होता. त्यामुळे त्यानेच हा प्रकार केल्याचे समोर आले. त्यानंतर पोलीसांनी संशयित म्हणून धिरज राणे याला ताब्यात घेतले आहे. याप्रकरणी पोलीस ठाण्यात गुन्हा दाखल करण्यात आला आहे.
Discussion about this post