चोपडा । तालुक्यातील देव्हारी गावात राहणाऱ्या शेतात गांजाची लागवड केल्याप्रकरणी पोलीसांनी कारवाई केली. याप्रकरणी एकाला अटक केली असून ६० हजार रूपये किंमतीचे ६ किलो ओला गांजा जप्त करण्यात आला आहे.
हैदर शामा बारेला (वय ४८ रा. देव्हारी ता. चोपडा) असे अटक केलेल्या संशयित आरोपीचे नाव आहे. शेतातील बांधावर संशयित आरोपी हैदर बारेला याने गांजाची लागवड केली असल्याची गोपनिय माहिती अडावद पोलीस ठाण्याचे पोलीस निरीक्षक कावेरी कमलाकर यांना मिळाली.
त्यानुसार अडावद पोलीस ठाण्याचे प्रभारी प्रमोद वाघ यांच्या मार्गदर्शनाखाली पथकाने कारवाई करत शेतातून ओला, हिरवे आणि गांजाची झाडे असा एकुण ६ किलो ओला गांजा जप्त केला आहे. याप्रकरणी पोलीस कॉन्स्टेल सतिष भोई यांनी दिलेल्या फिर्यादीवरून संशयित आरोपी हैदर बारेला याच्या विरोधात गुन्हा दाखल करण्यात आला आहे. पुढील तपास पोलीस उपनिरीक्षक राजू थोरात हे करीत आहे.
Discussion about this post