जळगाव । जळगाव औद्योगिक वसाहत परिसरात ई- सेक्टरमध्ये बांधकामाच्या ठिकाणी स्वच्छतेचे काम करत असताना तिसऱ्या मजल्याच्या खिडकीतून पडल्याने गंभीर जखमी झालेल्या कामगार महिलेचा उपचारादरम्यान आज मंगळवारी पहाटे मृत्यू झाला. याप्रकरणी सुरक्षेच्या उपाययोजना नसल्याच्या तक्रारीवरून बांधकाम मालक व ठेकेदाराविरुद्ध गुन्हा दाखल करण्यात आला आहे.
प्रमिलाबाई शंकर चव्हाण (वय ५५ रा. सुप्रिम कॉलनी, जळगाव) असे मयत महिलेचे नाव आहे. एमआयडीसीतील ई सेक्टरमधील बांधकाम सुरू असल्याने प्रमिलाबाई चव्हाण ह्या काही दिवसांपासून काम करत होत्या. बुधवारी दिनांक २ ऑक्टोबर रोजी दुपारी ३ वाजेच्या सुमारास बांधकामाच्या तिसऱ्या मजल्यावर काम करीत असताना प्रमिलाबाई ह्या साफसफाई करून वेस्ट मटेरियल खिडकीतून फेकत असतांना तिसऱ्या मजल्यावरून खाली पडल्याने त्या गंभीर जखमी झाले होते. त्यांना शासकीय वैद्यकीय महाविद्यालयात उपचारार्थ दाखल करण्यात आले होते.
त्यांच्यावर उपचार सुरू असतांना मंगळवारी ८ ऑक्टोबर रोजी पहाटे ४ वाजता त्यांचा मृत्यू झाला. याप्रकरणी बांधकाम मालक व ठेकेदाराविरुद्ध गुन्हा दाखल करण्यात आला आहे.
Discussion about this post