भारतीय नौदलात नोकरी करण्याचे अनेकांचे स्वप्न असतात. जर तुम्हालाही देशासेवेसाठी काम करण्याची इच्छा असेल तर ही बातमी खास तुमच्यासाठी. भारतीय नौदलात भरती निघाली असून यासाठी पात्र उमेदवारांकडून अर्ज मागविले जात आहे.
या भरतीसाठी अर्ज करण्याची सुरुवात १४ सप्टेंबर २०२४ पासून सुरु होणार आहे. २९ सप्टेंबर २०२४ ही अर्ज करण्याची शेवटची तारीख आहे. या नोकरीसाठी अर्ज करण्यासाठी तुम्हाला joinindiannavy.gov.in या वेबसाइटवर जाऊन अर्ज करावा.
शॉर्ट सर्विस कमिशन ऑफिस पदासाठी ही भरती जाहीर करण्यात आली आहे. याबाबत अधिसूचना जाहीर करण्यात आली आहे. अर्ज प्रक्रिया सुरु झाल्यानंतर पात्र उमेदवारांनी अजिबात वेळ वाया न घालवता या भरतीसाठी अर्ज करावीत.
भारतीय नौदलाच्या एक्झिक्युटीव्ह ब्रँचमध्ये जनरल सर्व्हिस, एअर ट्राफिक कंट्रोलर, नेवर एअर ऑपरेशंस ऑफिसर, पायलट एसएससी ऑफिसर किंवा लॉजिस्टिक्स SSC ऑफिसर पदांसाठी ही भरती होणार आहे. या नोकरीसाठी उमेदवारांची शैक्षणिक पात्रता ही पदानुसार वेगवेगळी निश्चित करण्यात आली आहे.
या नोकरीसाठी बीई/बीटेक/ मास्टर डिग्री इन इलेक्ट्रॉनिक्स-फिजिक्स/ एमएससी आयटी/ एमसीए पदवी उत्तीर्ण उमेदवार अर्ज करु शकतात. या नोकरीसाठी अर्ज करणारा उमेदवार २ जुलै २०००-०१ ते १ जानेवारी २००६ या कालावधीत जन्मलेला असावा.
Discussion about this post