अखिल भारतीय आयुर्विज्ञान संस्था म्हणजेच एम्स येथे नोकरीची सुवर्णसंधी आहे. एम्स नागपूर येथे विविध पदांसाठी भरती सुरु आहे. पदवीधर उमेदवार या नोकरीसाठी अर्ज करु शकतात. या नोकरीसाठी अर्ज करण्याची शेवटची तारीख ९ सप्टेंबर २०२४ आहे.
एम्स नागपूर येथे नोकरी करण्याची इच्छा असणाऱ्या तरुणांनी aiimsnagpur.edu.in वर जाऊन अर्ज करायचा आहे. या वेबसाइटवर तुम्हाला अर्जाची संपूर्ण माहिती दिली आहे. तो अर्ज डाउनलोड करुन तुम्हाला भरायचा आहे. यानंतर हा अर्ज पीडीएफ फाइलमध्ये सेव्ह करुन सबमिट करायचा आहे.
या नोकरीसाठी अर्ज करणाऱ्या उमेदवाराकडे मेडिकल डिग्री असणे गरजेचे आहे. या भरतीमध्ये अर्ज करण्यासाठी तुम्हाला शुल्क जमा करावे लागेल. सामान्य प्रवर्गातील उमेदवारांसाठी ५०० रुपये शुल्क भरावे लागेल तर राखीव प्रवर्गातील उमेदवारांना २५० रुपये अर्ज फी भरावे लागेल.
या भरतीसाठी ज्या उमेदवारांनी अर्ज केला आहे त्यांना वॉक इन इंटरव्ह्यूसाठी उपस्थित राहावे लागेल. ११ सप्टेंबर २०२४ रोजी ही मुलाखत होणार आहे. यासाठी उमेदवारांना प्रशासनिक ब्लॉक, एम्स परिसर, मिहान, नागपूर, ४४११०८ येथे उपस्थित राहावे लागेल. सकाळी ९ ते ९.३० वाजेपर्यंत उमेदवारांना उपस्थित राहावे लागेल.
या नोकरीसाठी निवड झालेल्या उमेदवाराला लेवल ११ नुसार प्रत्येक महिन्याला ६७७०० रुपये वेतन दिले जाईल. ही भरती ३ वर्षांसाठी केली जाणार आहे.
Discussion about this post