मुंबई : सोमवारी सायंकाळी मुंबईत जोरदार वारा सुटलेला असताना या दरम्यान, घाटकोपरच्या छेडा नगर परिसरात भीषण दुर्घटना घडली. छेडा नगरमध्ये जाहीरातीच एक मोठं लोखंडी होर्डिंग शेजारच्या पेट्रोल पंपाच्या छतावर कोसळलं. या दुर्देवी घटनेत अनेक निष्पाप नागरिकांना आपले प्राण गमवावे लागले आहेत.
यात आतापर्यंत 14 जणांचा मृत्यू झाला आहे. 74 जण जखमी आहेत. एका व्यक्तीची प्रकृती गंभीर आहे. 31 जणांना रुग्णालयातून डिस्चार्ज करण्यात आलं आहे. दुर्घटनेच्यावेळी पट्रोल-डिझेल भरण्यासाठी आलेल्या वाहनांसह जवळपास 100 जण या पेट्रोल पंपावर होते. त्यावरुन पेट्रोल पंप किती मोठा होता? याची कल्पना येते.
या दुर्घटनेतील जखमींना जवळच्या राजावाडी रुग्णालयात उपचारासाठी दाखल करण्यात आलं होतं. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी स्वत: घटनास्थळी जाऊन परिस्थितीचा आढावा घेतला. या दुर्घटनेत मृतांच्या नातेवाईकांना मुख्यमंत्री सहाय्यता निधीतून 5 लाख रुपयांची मदत केली जाईल.
Discussion about this post