अबब! एप्रिल महिन्यात जीएसटी संकलनाने मोडले सर्व रेकॉर्ड, वाचा आकडा

नवी दिल्ली । देशात निवडणुकीचा हंगाम सुरु असताना सरकारसाठी आनंदवार्ता आली आहे. जनतेने निवडणुकीच्या रणधुमाळीत सरकारचा खजिना भरणार आहे. एप्रिल महिन्यात जीएसटी संकलनाने सर्व विक्रम मोडले. केंद्रीय अर्थमंत्रालयाने बुधवारी याविषयीची आकडेवारी समोर आणली. त्यानुसार गेल्या 7 वर्षांत पहिल्यांदा जीएसटी वसुलीचा आकडा 2.1 लाख कोटींच्या घरात गेला.

जो गेल्यावर्षी एप्रिल महिन्यातील वसुलीपेक्षा 12.4 टक्के अधिक आहे. गेल्यावर्षी एप्रिल महिन्यात सरकारला 1.87 लाख कोटी रुपयांची जीएसटी वसुली झाली होती.सरकारी आकडेवारीनुसार, रिफंडनंतर निव्वळ महसुलातही वाढ झाली आहे. जे सुमारे 17.1 टक्के आहे. तर निव्वळ महसूल डेटा 1.92 लाख कोटी रुपये झाला आहे.

याआधी मार्च महिन्यात जीएसटी संकलनातून मोठी रक्कम सरकारी तिजोरीत पोहोचली होती. बंद आर्थिक वर्षात जीएसटी संकलनाचा विक्रम मोडला होता. मार्च महिन्यात जीएसटी संकलन वाढून 1.78 लाख कोटी रुपये झाले होते. जो गेल्या आर्थिक वर्षातील 12 महिन्यांतील सर्वाधिक होता. जो कोणत्याही महिन्यातील तिसरा सर्वाधिक संकलन आकडा होता. यातील सर्वात खास गोष्ट म्हणजे आजपर्यंतचा सर्वाधिक कलेक्शन गेल्या आर्थिक वर्षाच्या पहिल्या महिन्यात म्हणजेच एप्रिलमध्ये नोंदवला गेला. या विक्रमी वाढीसह गेल्या आर्थिक वर्षातील एकूण महसुलाचा आकडा 20 लाख कोटी रुपयांच्या पुढे गेला आहे.

चालू आर्थिक वर्षात 2024-25 च्या पहिल्या महिन्यात जीएसटी वसुली 2 लाख कोटींपेक्षा अधिक झाली आहे. गेल्यावर्षी मार्च महिन्यात 1.78 लाख कोटी जीएसटी वसुली झाली होती. त्यापेक्षा हा आकडा 17.81 टक्के अधिक आहे. सालाबादाप्रमाणए जीएसटीत महाराष्ट्राचा वाटा सर्वाधिक आहे. एप्रिल महिन्यात जीएसटीचे 37,671 कोटी रुपये मिळाले आहेत. गेल्यावर्षीपेक्षा हा आकडा 13 टक्के अधिक आहे.

कशी झाली कमाई
एकूण जीएसटी वसुलीत यंदा केंद्रीय जीएसटी कलेक्शन 43,846 कोटी रुपये, तर राज्याकडून 53,538 कोटी रुपयांची वसुली झाली. एकीकृत जीएसटी 99,623 कोटी रुपये राहिला. यामध्ये 37,826 कोटी रुपये आयात केलेल्या वस्तूंवर मिळाले. याशिवाय जीएसटी सेसच्या रुपात 13,260 कोटी रुपयांची वसुली झाली. अर्थमंत्री निर्मला सीतारमण यांनी ट्विट करत जीएसटी वसुलीत पहिल्यांदाच 2 लाख कोटींचा टप्पा ओलांडल्याची माहिती देण्यात आली आहे.