राष्ट्रावादी शरद पवार गटाला धक्का; अनिल देशमुख यांच्याविरोधात गुन्हा दाखल, नेमकं कारण काय?

मुंबई । एकीकडे लोकसभा निवडणूकीचे वारे जोरात वाहत असून नेत्यांकडून पक्षासाठी प्रचार प्रसार केला जात आहे. यातच राष्ट्रवादी शरद पवार गटाला मोठा धक्का बसला आहे. तो म्हणजे माजी गृहमंत्री अनिल देशमुख त्यांच्याविरोधात वर्धा येथील हिंगणघाट पोलिस ठाण्यात गुन्हा दाखल करण्यात आला आहे. या घटनेनंतर राजकारणात एक खळबळ उडाली आहे.

मिळालेल्या माहितीनुसार, शरदचंद्र पवार राष्ट्रवादी कॉंग्रेस पक्षाचे स्टार प्रचारक अनिल देशमुख यांनी आदर्श आचार संहितेचे उल्लघंन केले होते त्यामुळे विरोधाकांकडून तक्रार दाखल करण्यात आला होता. अनिल देखील हे महाविकास आघाडीचे उमेदवार अमर काळे यांचे मामा आहेत. त्यांच्या प्रचाराची जबाबदारी अनिल देशमुख यांच्यावर आहे. बाहेर जिल्ह्यातील नेत्यांना मतदारसंघातून जाण्याचे आदेश असताना देखील अनिल देशमुख शुक्रवारी वर्धा लोकसभा मतदारसंघाच्या हिंगणघाट येथे भेट दिली. काल त्यांनी साडेचार ते पावणे पाच दरम्यान देशमुख यांनी हिंगणघाटच्या नंदोरी चौकातील गावकऱ्यांची भेट घेतली होती.

याची माहिती विरोधकांनी आचार संहिता अधिकाऱ्यांना दिली. बंदी असताना देखील प्रचार केला जात आहे अशी माहिती मिळताच, अधिकारी नंदोरी या ठिकाणी पोहचे. तेथे उपस्थित माजी गृहमंत्री अनिल देशमुख यांना पाहून त्यांनी हिंगणघाट पोलिसांत सायंकाळी तक्रार दाखल केले. पोलिसांनी अनिल देशमुख यांनी आचार संहितेच उल्लंघन केल्याप्रकरणी भांदवि 1860 अन्वये कलम 188 अंतर्गत गुन्हा दाखल करुन घेतला. राजकारणात याची माहिती वाऱ्यासारखी पसरली. शरदचंद्र पवार राष्ट्रवादी कॉंग्रेस पक्षाला या घटनेनंतर मोठा धक्का लागला आहे.