जळगाव । लोकसभा निवडणुकीच्या तोंडावर अनपेक्षित घडामोडी घडताना दिसत आहे. याच दरम्यान जळगावमध्ये भाजपला मोठा खिंडार पडलं आहे. उन्मेषदादा पाटील यांनी आपला खासदारकी पदाचा राजीनामा दिला. यानंतर त्यांनी मातोश्रीवर उद्धव ठाकरे यांच्या उपस्थितीत शिवसेना-उध्दव बाळासाहेब ठाकरे पक्षात प्रवेश केला.
भाजपाने विद्यमान खासदार असलेले उन्मेष पाटील यांना तिकीट नाकारल्यानंतर ते नाराज होते. यात गेल्या काही दिवसापासून ते ठाकरे गटात प्रवेश करणार असल्याच्या चर्चा होत्या. अखेर त्यांनी आज आपल्या शेकडो समर्थकांसह ठाकरे गटात प्रवेश केला. त्यापूर्वी त्यांनी आपला भाजपच्या खासदारकी पदाचा राजीनामा दिला.
त्यांनी आपल्या खासदार पदाचा राजीनामा लोकसभा अध्यक्ष ओम बिर्ला यांच्याकडे फॅक्स केला आहे.
Discussion about this post