जळगाव : जळगावातील एमआयडीसी भागातील गोदामातून तब्बल 14 लाख रुपयांचा प्रतिबंधित सुगंधित पानमसाला, तंबाखूचा साठा जप्त करण्यात आला आहे. याबाबत एकावर एमआयडीसी पोलीस ठाण्यात गुन्हा दाखल करण्यात आला.
अशी झाली कारवाई
जळगाव शहरातील एमआयडीसी परिसरातील एम-सेक्टर मधील एका गोदामात बेकायदेशीररीत्या शासनाने प्रतिबंधित केलेला सुगंधित पान मसाला व तंबाखू साठवून ठेवला असल्याची माहिती अन्न व औषध प्रशासन विभागाला मिळताच पथकाने शुक्रवार, 23 फेब्रुवारी रोजी दुपारी 12 वाजता एमआयडीसी पोलिसांच्या मदतीने छापा टाकला.
सुमारे 14 लाख रुपयांचा सुगंधित पानमसाला व तंबाखूचा साठा जप्त करण्यात आला. अन्नसुरक्षा अधिकारी शरद पवार यांनी दिलेल्या फिर्यादीवरून हिरालाल उत्तम पाटील (38, रा. पिंप्राळा, जळगाव ) या तरुणा विरोधात एमआयडीसी पोलीस ठाण्यात शनिवारी गुन्हा दाखल करण्यात आला. तपास पोलीस उपनिरीक्षक निलेश गोसावी हे करीत आहे.
Discussion about this post