अत्यंत दुर्दैवी ! ११वीच्या विद्यार्थ्यांचा शॉक लागून मृत्यू, मुक्ताईनगर तालुक्यातील घटना

मुक्ताईनगर । शेतातील विजेच्या वायरचा जबर शॉक बसल्याने १७ वर्षीय तरुणाचा मृत्यू झाल्याची घटना मुक्ताईनगर तालुक्यातील पारंबी येथे घडलीय. गौरव संतोष झांबरे (17) असे मयत तरुणाचे नाव असून यामुळे गावात शोककळा पसरली.

पारंबी येथील शेतकरी संतोष झांबरे यांना चेतन व गौरव ही दोन मुले असून मोठा मुलगा चेतन हा जळगावात शिक्षण घेतो तर गौरव याने नुकतीच दहावीची परीक्षा 83 टक्के गुणांनी उत्तीर्ण केली होती. शनिवारी सकाळी दहा वाजता दोन्ही भाऊ शेतात गेले असता गौरवला शेतातील विजेच्या वायरचा जबर शॉक बसल्याने तो चिपकल्यानंतर त्याला वाचविण्यासाठी त्याचा मोठा भाऊ चेतन हा गेल्यानंतर तोही चिकटला मात्र सुदैवाने चेतन फेकला गेल्याने बचावला

गौरव हा गंभीररीत्या जखमी झाल्याने आईने आक्रोश केल्याने नजीकचे शेतकरी धावून आले. त्यांनी दोघा भावडांना तत्काळ कुर्‍हा प्राथमिक आरोग्य केंद्रात नेले असता प्राथमिक उपचार करून पुढील उपचारार्थ मलकापूर येथे हलवले असता गौरवला मृत घोषित करण्यात आले.