जळगाव । तालुक्यातील कुसुंबा येथील महेंद्र छगन गोसावी (वय ३६, रा. नवीन कुसुंबा) या तरुणाने राहत्या घरात गळफास घेऊन आत्महत्या केली. ही घटना आज सोमवारी सकाळी उघडकीस आली. या घटनेने परिवारात एकच खळबळ उडाली. दरम्यान, तरुणाची आई ही वडनगरी येथे महाशिवपुराण कथा येथे गेली. याबाबत एमआयडीसी पोलीस स्टेशनला अकस्मात मृत्यूची नोंद करण्याचे काम सुरू होते.
नवी कुसुंबा येथील वास्तवाय्स असलेला महेंद्र गोसावी जळगाव मधील सुभाषचंद्र बोस चौकामध्ये राज सिल्वर पॅलेस येथे एका सुवर्ण व्यापाराकडे काम करून कुटुंबाचा उदरनिर्वाह करीत होता. दरम्यान सोमवारी सकाळी तो घरी होता. त्यावेळेला कुठल्यातरी कारणाने त्याने छताला गळफास घेऊन आत्महत्या केली.
कुटुंबीयांना लक्षात येताच त्यांनी आक्रोश केला. तातडीने महेश गोसावी याला कुटुंबीय व मित्रांनी शासकीय वैद्यकीय महाविद्यालय व रुग्णालयात आणले. तिथे त्याला वैद्यकीय अधिकारी डॉ. निरंजन देशमुख यांनी मयत घोषित केले. यावेळी कुटुंबीयांनी आक्रोश केला.
दरम्यान एमआयडीसी पोलीस स्टेशनला घटनेची माहिती मिळताच त्यांनी घटनास्थळी धावं घेतली. घटनेची माहिती जाणून घेत पुढील कार्यवाही पोलिसांनी सुरू केली आहे. दरम्यान एमआयडीसी पोलीस स्टेशनला अकस्मात मृत्यूची नोंद करण्याचे काम सुरू होते.
Discussion about this post