मुंबई: सोशल मीडियावर पटकन लोकप्रियता मिळवण्यासाठी लोक काय करतील याचा नेम नाही. व्लॉगर्स बरेचदा प्रेक्षकांपर्यंत पोहोचण्यासाठी त्यांच्या चॅनेलवर छोटे व्हिडिओ पोस्ट करतात. यात काही व्लॉगर धोकादायक परिणामांचा विचारही करत नाहीत आणि आपला जीव धोक्यात घालतात.
ड्रायव्हिंग करताना व्लॉगिंग करणे काहीवेळा जीवावर बेतू शकते. असाच काहीसा प्रकार एका युट्यूबरच्या बाबतीत घडला आहे. ज्यात एक युट्यूबरला ड्रायव्हिंग करताना व्लॉगिंग करणे चांगलेच महागात पडले आहे.
व्हिडिओमध्ये एक तरुण बाईक चालवताना व्लॉगिंग करताना दिसत आहे. कोणीतरी त्याची वाट पाहत आहे आणि त्या त्याला खूप उशीर झाला आहे म्हणून तो त्याची बाईक सुसाट पळवत असतो, हा तरुण एका खराब तलावाच्या अगदी बाजूला असलेल्या चिंचोळ्या रस्त्यावरून बाईक सुसाट नेत असतो. यावेळी अचानक बाजूच्या एका रस्त्यावरून एक स्कूटर हॉर्न वाजवत व्लॉगरच्या बाईक समोर येत धडकते.
Vlogging in india during monsoon season 🤣 pic.twitter.com/oh0YUofi24
— SwatKat💃 (@swatic12) July 22, 2023
तो आपली दुचाकी घेऊन रस्त्यावरून खाली नाल्यात पडतो. त्या व्यक्तीच्या हेल्मेटमध्ये लावलेल्या कॅमेऱ्यात दुचाकी नाल्यात बुडत असल्याचे दिसत आहे. तो डोके वर काढतो आणि बाहेर पडण्याचा प्रयत्न करतो. हा व्हिडिओ मजेशीर वाटत असला तरी व्लॉगरसाठी तो अधिक धोकादायक ठरू शकला असता. स्वाटकॅटने ट्विटरवर शेअर केलेला हा व्हिडिओ सोशल मीडियावर व्हायरल झाला असून तो मोठ्या प्रमाणात पाहिला जात आहे.
