अमेरिका आणि इराण यांच्यात सुरू असलेल्या संघर्षाने आता धोकादायक वळण घेतले असून, होर्मुज खाडी हा जागतिक तणावाचा केंद्रबिंदू बनला आहे. २८ फेब्रुवारीपासून सुरू झालेल्या या युद्धामुळे जगभरातील अर्थव्यवस्था आणि ऊर्जा पुरवठा मोठ्या दबावाखाली आले आहेत.
अमेरिकेचे अध्यक्ष अध्यक्ष डोनाल्ड यांनी इराणला ४८ तासांचा अल्टिमेटम देत होर्मुज खाडी खुली करण्याचा इशारा दिला आहे. अन्यथा इराणच्या ऊर्जा प्रकल्पांवर थेट कारवाई करण्याचा इशाराही देण्यात आला आहे. याला प्रत्युत्तर देताना इराणने खाडी पूर्णपणे बंद करण्याची धमकी दिली असून, परिस्थिती अधिक चिघळण्याची शक्यता आहे.
दरम्यान, अमेरिकेचे अर्थमंत्री Scott Bessent यांनीही इराणच्या संरक्षण व्यवस्थेला लक्ष्य करण्याची रणनीती स्पष्ट केली आहे. त्यांच्या विधानानंतर होर्मुज सामुद्रधुनी परिसरात मोठ्या लष्करी हालचाली सुरू झाल्याची चर्चा आहे.
या संघर्षाचा सर्वाधिक परिणाम जागतिक तेल बाजारावर झाला असून, कच्च्या तेलाच्या किमती गगनाला भिडल्या आहेत. तेल रिफायनरी आणि गॅस प्रकल्पांवर होणाऱ्या हल्ल्यांमुळे ऊर्जा पुरवठा विस्कळीत झाला आहे. यामुळे जग एका गंभीर ऊर्जा संकटाच्या उंबरठ्यावर उभे आहे.
विशेष म्हणजे, होर्मुज खाडीत अनेक देशांची जहाजे अडकून पडली असून, पुढील काही तास अत्यंत महत्त्वाचे मानले जात आहेत. जर परिस्थिती आणखी बिघडली, तर या भागात मोठ्या प्रमाणावर विनाश होण्याची भीती व्यक्त केली जात आहे.
Discussion about this post