जळगाव । रेल्वेच्या धक्क्याने एका अनोळखी वृध्दाचा मृत्यू झाल्याची घटना म्हसावद ते शिरसोली दरम्यान घडली असून याबाबत एमआयडीसी पोलीस ठाण्यात अकस्मात मृत्यूची नोंद करण्यात आली असून मयताची ओळख पटविण्याचे आवाहन पोलीसांतर्फे करण्यात आले आहे.
याबाबत असे की, जळगाव तालुक्यातील म्हसावद ते शिरसोली दरम्यानच्या अप लाईन रेल्वे रूळवरील रेल्वे खंबा क्रमांक ३९९ नजीक रेल्वेच्या धक्क्याने अंदाजे ६० वर्षीय अनोळखी वृध्दाचा मृतदेह आढळून आल्याचे बुधवारी ९ ऑगस्ट रोजी सायंकाळी ६ वाजून ४४ मिनीटांनी समोर आले. या घटनेबाबत म्हसावद रेल्वे प्रबंधक यांनी एमआयडीसी पोलीसांना माहिती देण्यात आली.
त्यानुसार एमआयडीसी पोलीस ठाण्याचे पोलीस कर्मचारी पोलीस नाईक अतुल पाटील, पोकॉ फिरोज तडवी यांनी मृतदेहाचा पंचनामा करून जळगाव जिल्हा शासकीय वैद्यकीय महाविद्यालयात रवाना करण्यात आला. या घटनेबाबत एमआयडीसी पोलीस ठाण्यात अकस्मात मृत्यूची नोंद करण्यात आली आहे. पुढील तपास पोलीस नाईक अतुल पाटील आणि फिरोज तडवी करीत आहे.
Discussion about this post