युनिक आयडेंटिफिकेशन ऑथोरिटी ऑफ इंडिया (UIDAI) मध्ये भरती निघाली असून यासाठी पात्र उमेदवारांकडून अर्ज मागविले जात आहे. यूआयडीएआय ही कंपनी आधार कार्ड बनवते. या कंपनीत सेक्शन ऑफिसर होण्याची सुवर्णसंधी तुमच्याकडे आहे. तुम्ही सेक्शन ऑफिसर पदासाठी अर्ज करु शकतात.
या नोकरीसाठी अर्ज करण्याची शेवटची तारीख १२ जानेवारी २०२६ आहे. त्यामुळे इच्छुकांनी येत्या काही दिवसातच अर्ज करायचे आहेत.यूआयडीएआयमध्ये एकूण २ पदांसाठी भरती होणार आहे. या नोकरीसाठी निवड झाल्यावर तुम्हाला यूआयडीएआय टेक्नोलॉजी सेंटर, बंगळुरु येथे नोकरीसाठी जायचे आहे. या नोकरीसाठी तुम्ही uidai.gov.in वर जाऊन अर्ज करायचा आहे.
पगार
यूआयडीएआयमधील सेक्शन ऑफिसर पदासाठी निवड झाल्यावर तुम्हाला पे लेव्हल ८ नुसार 47,600-1,51,100 रुपये पगार मिळणार आहे. त्यामुळे चांगल्या पगाराची नोकरी करण्याची ही उत्तम संधी आहे.
शैक्षणिक पात्रता
यूआयडीएआयमध्ये सेक्शन ऑफिसर पदासाठी अर्ज करणाऱ्या उमेदवारांनी सरकारी सेवेत काम केलेले असावे. त्यांनी लेव्हल ७ पोस्टवर ३ वर्षांसाठी काम केलेले असावे. या नोकरीसाठी अर्ज करणाऱ्या उमेदवाराची कमाल वयोमर्यादा ५६ वर्षे असावे.
अर्ज कसा करावा?
या नोकरीसाठी तुम्हाला ऑफलाइन पद्धतीने अर्ज करायचा आहे. तुम्हाला वेबसाइटवर Annex I मध्ये फॉर्मचा फॉर्मॅट दिला आहे. त्यानुसार तुमचे नाव, लिंग, जन्मतारीख, शैक्षणिक पात्रता याबाबत माहिती भरायची आहे. यानंतर हे कागदपत्र एचआर, भारतीय विशिष्ट ओळख प्राधिकरण, आधार कॉम्प्लेक्स, एनटीआय ले आउट, टाटा नगर, बंगळुरु ५६००९२ या ठिकाणी पाठवायचा आहे.
Discussion about this post