जळगा । रेल्वे गाड्यांमध्ये होणारी गर्दी लक्षात घेऊन रेल्वे प्रशासनाकडून अनेक विशेष गाड्यांच्या कालावधीत वाढ करण्यात येत आहे. यातच उधना (सुरत) ते खुर्दा रोड (ओडिशा) दरम्यान धावणाऱ्या साप्ताहिक विशेष गाडीच्या कालावधीत वाढ करण्याचा निर्णय पश्चिम रेल्वेने घेतला आहे. ही गाडी जळगाव भुसावळ मार्गे धावत असल्याने जिल्ह्यातील प्रवाशांची सोय होणार आहे.
सुट्टीचा हंगाम आणि प्रवाशांची वाढती गर्दी लक्षात घेऊन रेल्वे प्रशासनाकडून ही विशेष रेल्वे डिसेंबर २०२५ पर्यंत चालविण्यात येणार होती.नव्या निर्णयानुसार उधना ते खुर्दा रोड साप्ताहिक विशेष रेल्वे २५ फेब्रुवारी २०२६ पर्यंत धावणार असून, खुर्दा रोड ते उधना साप्ताहिक विशेष रेल्वे २७ फेब्रुवारी २०२६ पर्यंत धावणार आहे.
रेल्वे प्रशासनाने प्रवाशांना वेळापत्रक, थांबे आणि तिकीट आरक्षणाची माहिती अधिकृत संकेतस्थळ व तिकीट काऊंटरवर तपासण्याचे आवाहन केले आहे. विशेष रेल्वेचा कालावधी वाढवण्याच्या या निर्णयामुळे खान्देशातील प्रवाशांमधून समाधान व्यक्त करण्यात येत आहे. फर्स्ट एसी कम सेकंड एसी, एसी २-टियर, एसी ३-टियर, स्लीपर क्लास आणि सर्वसाधारण डबे प्रवासासाठी उपलब्ध आहेत.
नंदुरबार, जळगावला केव्हा पोहोचते?
०९०५९ उधना ते खुर्दा रोड ही विशेष रेल्वे गाडी उधना (सुरत) स्थानकावरून दर बुधवारी दुपारी १२:२० ला सुटते. आणि नंदुरबारला ०२.५५, जळगावला ०५.४० आणि भुसावळला सायंकाळी ०६.१० वाजता पोहोचते. ०९०६० खुर्दा रोड ते उधना ही विशेष रेल्वे गाडी खुर्दा रोडवरून दर शुक्रवारी पहाटे ०२:०० ला सुटते आणि दुसऱ्या दिवशी दुपारी १३:३० ला उधना येथे पोहोचते.
या गाड्यांना दोन्ही बाजुने व्यारा, नंदुरबार, धरणगाव, जळगाव, भुसावळ, मलकापूर, अकोला, बडनेरा, वर्धा, नागपूर, तुमसर रोड, गोंदिया, दुर्ग, रायपूर, महासमुंद, खरियार रोड, कांटाबांजी, टिटलागड, केसिंगा, मुनिगुडा, रायगडा, पार्वतीपुरम, बोब्बिली, विजयनगरम, श्रीकाकुलम रोड, पालासा, ब्रह्मपूर आणि बालुगाव स्थानकांवर थांबे मंजूर आहेत.
Discussion about this post