मुंबई । महाविकास आघाडी, मनसे आणि विरोधक उद्या 1 नोव्हेंबर रोजी होणाऱ्या सत्याच्या महामोर्चाच्या तयारीला लागले आहेत. उद्या मुंबईत विरोधकांचे विराट रुप दिसेल. पण त्यापूर्वी एक मोठी अपडेट समोर येत आहे. कोरेगाव -भीमा दंगलप्रकरणातील चौकशी आयोगाने माजी मुख्यमंत्री उद्धव ठाकरे यांना कारणे दाखवा नोटीस बजावली आहे.
2018 मध्ये कोरेगाव भीमा हिंसाचार प्रकरणाची चौकशी सुरू आहे. गुरुवारी याप्रकरणाची चौकशी करणाऱ्या आयोगाने माजी मुख्यमंत्री उद्धव ठाकरे यांना कारणे दाखवा नोटीस बजावली होती. ठाकरे यांनी या प्रकरणाशी संबंधित कागदपत्रे सादर करण्यास सांगण्यात आले होते. त्याविषयी प्रतिसाद न दिल्याने आयोगाने त्यांना कारणे दाखवा नोटीस बजावली आहे. उद्धव ठाकरे यांना २ डिसेंबर रोजी वैयक्तिकरित्या किंवा प्रतिनिधींमार्फत हजर राहण्याचे निर्देश दिले आहेत. अन्यथा जामीनपात्र अटक वॉरंट जारी करण्याचा इशाराही दिला आहे.
प्रकाश आंबेडकरांचा अर्ज
वंचित बहुजन आघाडीचे अध्यक्ष आणि या प्रकरणातील साक्षीदार प्रकाश आंबेडकर यांनी यावर्षी फेब्रुवारी महिन्यात अर्ज दाखल केला होता. त्यात ठाकरे यांनी 2020 मध्ये शरद पवार राष्ट्रवादीचे अध्यक्ष शरद पवार यांनी सादर केलेली कागदपत्रे, आयोगासमोर आणावीत असे निर्देश देण्याची विनंती या अर्जाद्वारे केली होती. काही उजव्या विचारसरणीच्या संघटनांचा आणि नेत्यांचा कोरेगाव भीमा हिंसाचाराशी संबंध असल्याचे त्या कागदपत्रात नमुद असल्याचा त्यांचा दावा आहे. त्यानंतर आयोगाने याप्रकरणी पुढील प्रक्रिया केली होती. पण त्याला उद्धव ठाकरे यांनी कोणताही प्रतिसाद दिला नाही. आता या प्रकरणामुळे महाराष्ट्राच्या राजकारणात पुन्हा एकदा जुने आरोप-प्रत्यारोप उफाळून आले आहेत.
Discussion about this post