लोकप्रिय X म्हणजेच ट्विटरची सेवा जगभर ठप्प झाली असून X वापरताना युजर्सना कोणत्याही टॅबवर कोणतेही ट्विट दिसत नव्हते. हजारो युजर्सने याबाबत तक्रार केली आहे. सोशल मीडिया प्लॅटफॉर्मवर त्यांचे ट्वीट रिफ्रेश नाही होत आहे.
तसेच कोणतेही ट्विट करताना Welcome to X असा मेसेज युजर्सना येत आहे. त्यामुळे नेटकरी हैराण झाले आहे. ट्विटर युजर्सना, प्लॅटफॉर्मवर वारंवार ‘cannot retrieve tweets’ एरर दाखवत आहे. यावर्षी चौथ्यांदा युजर्सला या समस्येला सामोरे जावे लागत आहे.
X वापरताना फॉलोइंग, फॉर यू आणि लिस्टसह (List) सर्व टॅब डाउन होते. Down Detector डेटानुसार ४७ हजाराहून अधिक यूएस वापरकर्त्यांना X आणि X pro च्या समस्यांचा सामना करावा लागतो आहे. ही समस्या अजून किती काळ असेल हे सांगता येत नाही. यापूर्वी ही समस्या जुलै महिन्यात आली होती. ज्यामुळे ट्विटरच्या (Twitter) अनेक लिंक्स ओपन करताना अडचणीचा सामना करावा लागत होता. तसेच नवीन ट्विट करताना युजर्सना एक पॉप-अप मिळत आहे. एलॉन मस्क यांनी ट्विटरचा ताबा घेतल्यापासून मागच्या वर्षभरात ट्विटरच्या अनेक समस्यांना सामोरे जावे लागले आहे. मायक्रोब्लॉगिंग प्लॅटफॉर्म ट्विटर एक्सचा सर्व्हर मागील काही वेळापासून डाउन झालं आहे. तसेच ट्विटर वापरण्यास अडथळे येत असल्यामुळे नेटकरी संतापले आहे.
Discussion about this post