पुणे । पुण्यातील निरादेवघर धरणात कार कोसळल्याची दुर्घटना घडली आहे. या अपघातात तीन तरुणांचा मृत्यू झाला असून एक जण बचावला आहे. पुण्याहून वरंधघाट मार्गे कोकणात जाणाऱ्या मार्गावर ही घटना घडली.
मिळालेल्या अधिक माहितीनुसार,पुण्यातील रावेत येथून चार जण फिरण्यासाठी निघाले होते. तेव्हा भोर तालुक्यातील निरादेवघर धरण मार्गाने महाडकडे जात असताना त्यांच्या गाडीचा अपघात झाला. धुके आणि पाऊस असल्याने रस्त्याचा अंदाज न आल्याने वळणावर गाडी 200 फूट उंचीवरून धरणाच्या पाण्यात पडली.
आज पहाटेच्या सुमारास ही दुर्घटना घडली आहे. मोटारीत तीन पुरुष आणि एक महिला असे चौघेजण होते त्यापैकी एक जण बचावला असून तिघांचा मृत्यू झाला आहे.
