भुसावळ । पंढरपुरात आषाढी एकादशीनिमित्त संपूर्ण महाराष्ट्रातून लाखो भाविक दाखल होतात. प्रवाशांची गर्दी लक्षात घेऊन मध्य रेल्वेने गाड्यांचे नियोजन केले असून यात भुसावळहून सुटणाऱ्या भुसावळ-पंढरपूर (२ फेरी), नागपूर-मिरज (४ फेरी), नागपूर-पंढरपूर (४ फेरी), नवीन अमरावती-पंढरपूर (४ फेरी), व खामगाव-पंढरपूर या स्पेशल गाड्या खान्देशातून धावणार आहे.
नागपूर-मिरज विशेष गाडी क्रमांक ०१२०५ विशेष गाडी २५ आणि २८ जून रोजी ८.५० वाजता नागपूरहून सुटून दुसऱ्या दिवशी ११.५५ वाजता मिरजला पोहोचेल. तर गाडी क्रमांक ०१२०६ ही गाडी २६ आणि २९ जून रोजी १२.५५ वाजता सुटून दुसऱ्या दिवशी १२.२५ वाजता नागपूरला पोहोचेल. या गाडीला अंजनी, वर्धा, पुलगाव, धामणगाव, चांदूर, बडनेरा, मूर्तिजापूर, अकोला, शेगाव, मलकापूर, भुसावळ, जळगाव, चाळीसगाव, मनमाड, कोपरगाव, बेलापूर, अहमदनगर, दौंड, कुर्डूवाडी, पंढरपूर, सांगोला, म्हसाबा डोंगरगाव, जठरगाव धालगाव, कवठेमहांकाळ व सुलगरे या ठिकाणी थांबा दिला अाहे.
नागपूर-पंढरपूर विशेष गाडी क्रमांक ०१२०७ विशेष नागपूरहून २६ आणि २९ जूनला ८.५० वाजता सुटून दुसऱ्या दिवशी ८ वाजता पंढरपूरला पोहोचेल. गाडी क्रमांक ०१२०८ विशेष पंढरपूर येथून २७ आणि ३० जून रोजी दुपारी ५ वाजता सुटून दुसऱ्या दिवशी १२.२५ वाजता नागपूरला पोहोचेल. या गाडीला अंजनी, वर्धा, पुलगाव, धामणगाव, चांदूर, बडनेरा, मूर्तिजापूर, अकोला, शेगाव, मलकापूर, भुसावळ, जळगाव, चाळीसगाव, मनमाड, कोपरगाव, अहमदनगर, दौंड, कुर्डूवाडी या ठिकाणी थांबा दिला अाहे.
अमरावती-पंढरपूर गाडी क्रमांक ०१११९ ही विशेष गाडी अमरावती येथून २५ व २८ जून रोजी दुपारी २.४० वाजता सुटून दुसऱ्या दिवशी ९.१० वाजता पंढरपूरला पोहोचेल. गाडी क्रमांक ०११२० पंढरपूर येथून २६ व २९ जून रोजी सायंकाळी ७.३० वाजता सुटून दुसऱ्या दिवशी १२.४० वाजता अमरावती येथे पोहोचेल. या गाडीला बडनेरा, मूर्तिजापूर, अकोला, शेगाव, जलंब, नांदुरा, मलकापूर, बोदवड, भुसावळ, जळगाव, पाचोरा, चाळीसगाव, नांदगाव, मनमाड, कोपरगाव, अहमदनगर, दौंड हे थांबे आहे.
सर्व गाड्या खान्देशातून जात नाहीत
मध्ये रेल्वेतून पंढरपूरसाठी जाणाऱ्या इतर गाड्या लातूर-पंढरपूर (८ फेऱ्या), मिरज-पंढरपूर (१० फेऱ्या), मिरज-पंढरपूर अनारक्षित विशेष (२० फेऱ्या), मिरज-कुर्डूवाडी पूर्णपणे अनारक्षित विशेष (२० फेऱ्या). या ५८ विशेष गाड्या मध्य रेल्वेतून पंढरपूरसाठी जात असल्या तरी या सर्व गाड्या खान्देशातून जात नाहीत.
Discussion about this post