मुंबई । आता महापालिका निवडणुकांचे वेध सर्वांना लागलेले आहेत. २१ डिसेंबर रोजी नगरपरिषदा आणि नगरपंचायतींचा निकाल जाहीर होणार असून, त्यानंतर महापालिका निवडणुकीची घोषणा होण्याची शक्यता असल्याने राजकीय पक्षाने आता आघाडी घेतल्याचे पाहायला मिळत आहे. दरम्यान, महापालिका निवडणुकांसाठी महायुतीचा फॉर्म्युला जवळपास निश्चित झाल्याची माहिती समोर येत आहे.
मुंबई, ठाणे, कल्याण- डोंबिवली, नाशिक आणि नागपूर या ५ महापालिका निवडणुका भाजप-शिवसेना एकत्रित लढण्याची शक्यता आहे. मात्र, पुणे आणि पिंपरी-चिंचवडमध्ये भाजप आणि राष्ट्रवादी काँग्रेस स्वतंत्रपणे निवडणूक लढणार असल्याची माहिती देखील समोर आलीय.
दोन्ही पक्षांची ताकद समान असल्याने आणि कार्यकर्त्यांना संधी मिळावी, तसेच अंतर्गत बंडाळी टाळावी यासाठी हा निर्णय घेतला जाण्याची शक्यता वर्तवली जात आहे. नागपुरात भाजपची ताकद जास्त असली तरी मित्रपक्ष असलेल्या शिवसेनेला सोबत घेतले जाईल, असेही या समोर आले आहे.
या संदर्भात अधिकृत घोषणा अद्याप झालेली नसली तरी, सूत्रांच्या माहितीनुसार हा फॉर्म्युला ठरल्याचे समजते. आगामी निवडणुकांच्या पार्श्वभूमीवर महायुतीमधील या घडामोडी अत्यंत महत्त्वाच्या मानल्या जात आहेत.
Discussion about this post