खातेवाटपाचा फॉर्म्युला ठरला ; अजित पवार गटाला मिळणारी खाती पहा..

मुंबई । गेल्या काही दिवसापूर्वी अजित पवारांसह ८ आमदारांनी मंत्रिपदाची शपथ घेतली होती. मात्र, अद्यापही खातेवाटप झालेले नाहीय. अशातच खातेवाटपासंदर्भात एक मोठी अपडेट समोर आली आहे. तब्बल १३ दिवसानंतर युती सरकारचा खातेवाटपाचा फॉर्म्युला ठरला असून यामध्ये अजित पवार यांच्या गटाची सरशी झाल्याचं सूत्रांनी सांगितलं आहे.

गेल्या अनेक दिवसांपासून युती सरकारमधील खातेवाटपावरून तिन्ही पक्षात रस्सीखेच सुरू होती. मात्र, खातेवाटपाचा फॉर्म्युला ठरला असल्याचं सूत्रांनी सांगितलं आहे. विशेष म्हणजेच अमळनेरचे आमदार अनिल पाटील यांना देखील मंत्रिपदाची शपथ घेतली असून त्यांना अन्न नागरी पुरवठा हे मंत्रिपद मिळणार असल्याचे सांगितले जात आहे.

कोणकोणती खाती राष्ट्रवादीकडे?
मुख्यमंत्री एकनाथ शिंदे यांच्या गटाकडील परिवहन, कृषी, सामाजिक न्याय आणि अल्पसंख्ख्याक खाते हे राष्ट्रवादी काँग्रेसला मिळणार असल्याचं सूत्रांनी सांगितलं आहे. तर भाजपकडील अर्थ, सहकार, महिला व बाल कल्याण, अन्न व नागरी पुरवठा आणि क्रीडा व युवक कल्याण ही खाती राष्ट्रवादीला देण्यात येणार असल्याची माहिती खात्रीलायक सूत्रांनी दिली आहे.

अजित पवार गटाला मिळणारी खाती
अर्थ – अजित पवार
कृषी- छगन भुजबळ
सहकार- दिलीप वळसे पाटील
परिवहन- धर्मराव अत्राम
सामाजिक न्याय – धनंजय मुंडे
अन्न नागरी पुरवठा – अनिल भाईदास पाटील
महिला बाल कल्याण – अदिती तटकरे
क्रीडा – संजय बनसोडे
अल्पसंख्यांक – हसन मुश्रीफ