अकोला : अकोल्यात बुलढाण्याचे माजी आमदार विजयराज शिंदे यांच्या वाहनाचा भीषण अपघात झाला असून अकोला-मुर्तिजापूर महामार्गावरील कुरणखेड येथे हा अपघात घडला. एका बसने त्यांच्या गाडीला धडक दिल्याने हा अपघात झाला. मात्र, सुदैवाने गाडीतील एअरबॅग वेळीच उघडल्याने विजयराज शिंदे यांना किरकोळ मार लागला असून त्यांच्यावर उपचार सुरू आहेत.
दरम्यान, शिंदे यांच्यासह चार जण व्यक्ती जखमी झाले आहेत. तर एसटी बसमधील दोन विद्यार्थी तथा दोन वयोवृद्ध महिलाही सुद्धा जखमी झाल्या आहेत.
अकोल्यामध्ये उपमुख्यमंत्री देवेंद्र फडणवीस तसेच भाजप नेते अनिल बोंडे यांची भेट घेवून ते अमरावतीच्या दिशेने जाणारी गाडी क्रमांक एम एच २८ ए एन २७५७ ही गाडी जात असताना समोरून येणारी बस क्रमांक एम एच ४० एन ९७१८ ही कारंजा वरून अकोल्याच्या दिशेने जात होती. दोन्ही गाड्यांमध्ये समोरासमोर धडक झाली असून यामध्ये चारचाकी वाहनामधील बुलढाण्याचे भाजपा माजी आमदार विजयराव शिंदे यांच्यासह त्यांचे चार सहकारी, बसमधील दोन शाळकरी विद्यार्थी, दोन वयोवृद्ध महिला जखमी झाले आहेत.
जखमींना कुरणखेड येथील माँ चंडिका आपत्कालीन बचाव पथक प्रमुख रंजीत घोगरे, शहाबाज शाहा, विरेंद्र देशमुख, राम उमाळे, विजय माल्टे, मोहण वाघमारे,शेख माजिद यांनी पोहोचवले आपत्कालीन बचाव पथकाच्या माध्यमातून महामार्ग वरील वाहतुक सुरळीत करून वाहतूक सुरू करण्यात आली. घटनास्थळी बोरगाव मंजू पोलीस स्टेशनचे योगेश काटकर हे घटनास्थळी दाखल झाले होते. भाजपा आमदार अपघातात जखमी झाल्याची बातमी समजताच घटनास्थळी भाजपच्या कार्यकर्त्यांनी गर्दी केली होती. यामध्ये भाजपाचे माजी पंचायत समिती सदस्य प्रशांत पांडे, भाजपाचे प्रशांत ठाकरे, अमन महल्ले , किरण उमाळे तथा भाजपाचे कार्यकर्ते घटनास्थळी उपस्थित झाले होते.
Discussion about this post