मुंबई : राज्य शासकीय व इतर पात्र कर्मचारी आणि सेवानिवृत्त कर्मचाज्यांना देय असलेल्या सातव्या वेतन आयोगाच्या थकबाकीच्या चौथ्या हप्त्याचे प्रदान जून महिन्याच्या वेतनासोबत अदा करण्यात यावे या संदर्भात शासनाने आज शासन निर्णय प्रसिध्द केला आहे त्यामुळे शासकीय कर्मचा-यांमध्ये आनंदाचे वातावरण निर्माण झाले आहे.
आज दि. 24 मे 2023 रोजी महाराष्ट्र शासनाने शासकीय आणि सेवानिवृत्त कर्मचारी यांना सातव्या वेतन आयोगाची चौथ्या हप्त्याची थकबाकी देण्यासंदर्भात शासन निर्णय प्रसिध्द केला आहे. या शासन निर्णयात म्हटले आहे की, सर्व शासकीय व इतर पात्र कर्मचारी आणि सेवानिवृत्त कर्मचा-यांना दि. 01 जुलै 2022 रोजी देय असलेल्या सातव्या वेतन आयोगाच्या अनुक्रमे वेतन आणि सेवानिवृत्तीच्या थकबाकीच्या चौथ्या हप्त्याची रक्कम यथास्थिती भविष्यनिर्वाह निधी योजनेच्या खात्यात जमा करण्यात यावी अथवा जून 2023 च्या वेतनासोबत अदा करण्यात यावी तर सेवानिवृत्ती धारकांना रोखीने अदा करण्यात यावी तसेच जिल्हा परिषदा, शासन अनुदानित शाळा आणि इतर सर्व शासन अनुदानित संस्थामधील पात्र कर्मचा-यांच्या थकबाकीच्या चौथ्या हप्त्याची रक्कम जून 2023 च्या वेतनासोबत अदा करण्यात यावी.
या शासन निर्णयात पूढे म्हटले आहे की, ज्या कर्मचाज्यांना भविष्य निर्वाह निधी योजना लागू आहे त्यांची थकबाकीची रक्कम भविष्य निर्वाह निधी योजनेच्या खात्यात जमा करण्यात यावी तर राष्ट्रीय सेवानिवृत्ती वेतन योजना अथवा परिभाषीत अंशदायी निवृत्ती योजना लागू असलेल्या कर्मचा-यांच्या थकबाकीची रक्कम रोखीने अदा करण्यात यावी तर जे कर्मचारी सेवानिवृत्त अथवा मृत्यू पावले असतील अशा कर्मचा-यांच्या वेतनाच्या थकबाकीच्या उर्वरित हप्त्याची रक्कम रोखीने अदा करण्यात यावी.
शासनाने हा शासन निर्णय प्रसिध्द केल्यामूळे शासकीय तसेच सेवानिवृत्त कर्मचा-यांच्या मोठा अर्थिक लाभ मिळणार असल्याने त्यांच्यामध्ये आनंदाचे वातावरण पसरले आहे.
अधिक माहितीसाठी शासन निर्णय सोबतचा पहा.
Discussion about this post